China Rocket Long March-5B,23 ton rit mi vawlei lei ah arak tla lio khi asi, aho ram nih dah atuar lai??

China Rocket Long March-5B,23 ton rit mi vawlei lei ah arak tla lio khi asi, aho ram nih dah atuar lai??

China rocket part lian tak mi pakhat, Long March 5B an timi cu ton 23 hrawng rit mi asi,  atu ah hin control khawh ti lo in boruak ah sang ah azuang sawh sawh lio khi asi, Engine hmang in control khawh ti lo caah, vawlei lei pan in arak zuang lio khi asi, thaizing July 31 2022 Sunday zing lei 00:24 am UTC (India suimilam 5:54 am Sunday, Myanmar suimilam 6:54 am Sunday) ah vawlei ah atlak nak cu aphan lai tiah an tuak tan ning asi, vawlei aphan can hi Suimilam 16 in atuan khawh atlai khawh fawn lai an ti.

A zuang/kalnak hi akau ngai Equator in chak lei le thlanglei Lattitude degree 41.5 ve ve karlak chung ah tla khawh asi, mah ah hin India, Myanmar, Bangladesh, China zong atel, Minung tamnak hmun atla sual lai tihi phan um ngai mi asi tiah, scientist-hna nih cun an chim, Long March 5B rocket booster hi China space station a pehnak pakhat ah fit ding ah phur chotu asi, a thil phurh hi sau ngai cu orbit tiang phurtu asi, mah hnu ah hin engine hmang in kalter than ding asi, engine-nih a control khawh ti lo caah cun, a biling a balang in arak tla laik hi asi, mei khangh hnu kang khawh lo mi thil lian ngai mi hi arak tla khawh kha asi, mah cu tih anung ngai mi cu asi.

Wentian space-station module hi zar liam can ah an kah chuah mi kha asi, Aerospace Corporation nih a kal nak lam an thei khawh fawn lo, Experts hna nih mah rocket 5B bung 20 percent to 40 percent nih hin vawlei leng boruak kaltlang khawh an zumh, vawlei ram 70% hi rilipi hmun asi caah khawika bik adah atlak laic him khawh asi lo, Aaron Boley, co-director of the Outer Space Institute, planetary astronomer, University of British Columbia, nih 70 percent rockets orbit hel khawh lo nih Earth’s atmosphere arak paltlang than lai ati, April 6-10 a sau thir cu India Maharashtra state ah a tla, 39-foot metal pipe nih Ivory coast 2016 a den cang, 2020 ah khan rocket fuel tanks nih islands of Indonesia a den fawn cang.

Rilipi zong hi akau ngai ko sihmanselaw khawika hmun adah atlak lai timi hi chim khawh asi mi khi asi, Aerospace corporation-ah scientist hna nih akalnak lam cu zulh peng an tim ko nain, a tlaknak ding hmun taktak cu an tuaktan khawh lai maw? Thei khawh asi lo, A tlak nak hmun cu van chiat asi ko lai, minung um lo nak rilipi hna ah atlak ah cun apoi tuk lai lo, van lei kha rak zoh peng ne ko u.

Source: Out of control space debris is about to plummet to Earth,