Dawtnak Tak Tak (True Love Story) – Salai Kawltu

Dawtnak Tak Tak (True Love Story)

Australia nu Turia Pitt taksa cheu -thum i cheu- hnih cu mei nih a ra khangh dih. Hi tluk i lungrethei in sizung ah a um lio zong ah hin a daling pa nih sizung ihnak pawng te ah a um hnawh peng. Hi Australia nungak nu te nun hi  muihnak in  a khat. Hi bantuk lio zongah a daling pa nih a kaltak  hrimhrim lo.

Sizung i  a um lio te ahhin a daling pa nih diamond kutdongh hrolh in a nungak nu a dawtnak le a zawnruahnak cu a langhter. A nungaknu lungretheihnak in a um lio caan te ah hin a daling pa nih i hamnak kutdongh hrolh te cu a pek.

Hi hna pahnih an i dawtnak hi zoh chunh awk a tlak tak. Turia Pitt le Michael Hoskin hi Australia ram mi an si. Hngakchia an si lio tein sianginn in an a rak i thei cang. Turia hi mei nih a kangh hlan ah hin model muidawh le pumrua ttha pakhat  a rak si ve. September 2011 khan Turia hi tlik zuamnak (Ultra Marathon) ah aa tel.

Hi tlik aa zuam lio ah hin ramtang mei kang (bush fire) nih ruahlo piin a kangh sual. A taksa 65% cu a kang dih. Sizung ah biatak tein zohkhenh colh a si i sizung ah caan saupi a um hnu ah sizung in a chuak.

Kum 4 hnu lawng ah damnak tak tak a hmuh. Atu ah cun Turia le Michael Hoskin hi an i um cang. Nungaknu Turia nih a timi cu “amah he kan i ton hi ka van a tha tuk hringhrang. Ka dawt bantuk in a ka dawt ve” tiah a ti. Vawleicung ah nupa aa daw lomi le aa tthenmi tampi an um. Nu le va pakhat ngeih zong i za loin midang sinah a zuang mi tampi an um fawn. Hi vialte lak zongah hibantuk minung hi an rak um ve thiam thiam. Dawtnak tak tak kan timi cu hi hi a si.

Source : Motivational Stories

Leave a Reply

Your email address will not be published. Required fields are marked *