HI BAN TUK BIA RUANG AH HIN NU HNA HI AN NUN ( BAWAH) A RAWK TUK NAK A SI!

Tu chan ah nu mi tampi cu zei ruang ah dah an nun ( bawah) a rawk ti hi theih hna seh tiah hi post hi ka van tial nak a si.πŸ‘‡ <<<<<<<<<<

Na rel tikah na lung a tling si le na rak share ve te lai.

pa – ” Kan dawt tuk ka dawt aw” na ka dawt ve tak tak a si ah cun ” ka duh nak hi ka tuah piak”

nu – a si kho bak lo.
ka tih tuk e. Hi ban tuk cu na lung in tling tar duh hlah ning aw ka dawt.

pa – ka dawt kan duh tak tak ko e. Ka duh nak ka tuah piak law kan tthit ko lai.

nu – si kho lo ka dawt . Nu kan nun nak ah hin kan thiang hlim nak hi a bia pi cem mi a si. Kan i umh hlan ah hin cun ka thian hlim nak hi cu in pe duh hlah ning aw ka dawt.
Ka nun chung vial te ah man sung cem i ka chiah mi ka thian hlim nak cu rak ka hal duh hlah ka dawt.

Pa – ” A tawk” kan duh/ dawt na ti mi cu hi maw a si. ” Aa duh/dawt mi zong kan si cang”. Ka cung ah hi thil hmanh na ka tuah piak kho lo ah cun zei cu dah na ka dawt nak cu a si ne? Na ka dawt tak tak lai zong ka zum lo. ( An biachim hi zoh hmanh uh ca… ummm)

nu – ka dawt aw zei bia hme na chim kan dawt tuk hme teh. Kan dawt tuk ah hin a chim zia zong ka thiam lei lo. Na thinhun ti hlah mu. Na thinhun ah cun um dan ka thiam lo. Zei tluk in dah kan dawt ti hi ” na zumh khawh nak ding ah zei ban tuk tehte dah kan tuah piak lai”.

pa – Ka thinhun na hmuh duh lo a si cun..
” kan hal mi kha ka lung ka tling ter” thil tampi kan hal zong a si lo. Tu voi(1) te lawng a si lai. Hi hnu cun zei tik hmanh ah hi ban tuk hi kan hal ti lai lo. Bia ka kam! ( An duh nak an hmuh khawh nak ding ah cun bia i kam zong an i awlh ko!)
” ka dawt zei tluk in dah na ka dawt ve ti theih nak ah na thianhlim nak in tehte ka hmuh ko ca”. ( Nu hna i ralring uh hi ban tuk pa pawl cu kal tak cawlh ding.)

nu – Huuuuu…. ka dawt aw!

pa – na thin phang duh hlah. Pakhat khat na si sual ah cun kei mah nih kan zoh khanh ko lai. Ka duh nak tu hi tling tar i zuam ko. Ka duh nak na ka tuah piak ruang ah zei tik hmanh ah na chir lai lo. Bia ka kam ko!

nu – Aw cu ti si cun…..
Pakhat khat ka si sual si le na ka zoh khanh in na rian na tlinh lai aw. Na ka then lai lo aw. Kan i umh hlan ah ” hi ti ban tuk in na duh nak kan tuah piak mi hi kan dawt tuk caah a si ti kha thei peng law ti ka duh. Ka thian hlim nak ” cu na kut chung ah ka chiah ” ” Kan dawt tuk caah a si e. ” Cun zumh zong kan zumh tuk na rian na philh lai lo”.

pa – ka zumh ko. ka tuah mi cu kei mah nih ka zun lai ti mi cu ka theih ko. ( Hi ban tuk lio can ah cun a bia chim cu a pa tak tak a si ko.)
( John Cena le The Rock hmanh nih sung an pek lai.)

Thla tlawm pal a rauh hnu ah cun

nu – ka dawt ziah hlan ban tuk in phone na ka chawn ti lo e.

pa – ka manh lo caah a si.

nu – Ziah i hmuh sih kan ti paoh ah ka manh lo na ti peng. Na ka hrial peng e.

pa – Rian ka tuan caah ka manh lo i si.

nu – Cu ti a si zong ah hlan ban tuk na si reng reng ti lo. Na duh nak ka tling ter hnu ah cun kan tthit lai na ka ti. Tu ah cun cu ban tuk bia cu chim si lo in na ka hrial.

pa – Hi ban tuk can lio ah hin zei umh cu dah na chim. ” Nan mah ban tuk nu pawl hi hmun khat ah um khawh nak ding lam lawng nan kawl” kan i umh hnu ah cun ” Caw ban tuk in rian tuan i kawl hawl tu cu kan mah pa pawl hi kan si”.

( a duh nak a rak hal lio ah khan cun hi ban tuk aw chuah le mithmai a si lo.)

β€˜Tok…’ Zei dah si na duh? I then maw na duh? I then ding na ti zong si le ka Ok tuk hih.

nu – Aw… tu ah cun hi ban tuk bia a chuak cang mu! ” Aw cu ti si le na tlam tling deuh tik ah tthitumnak cu kan tuak khang te lai cu. ( A thin lung chung ah cun hi mithi pa nih hin ka tthit ko seh ti in thla cam dah ti lo cu zei hmanh ti khawh mi a nei lo.)

Nu hna nan thian hlim nak kha nan tlangval le nih nan i umh hlan ah an in hal sual hna a si ah cun then cawlh uh. Duh nak ruang ah nan nun cu nan mah te in i thah hlah uh. Kan thian hlim nak hi tthitumnak kan tuah hlan lo cu … kan hmai ah an khuk bil bu in an tap si zong ah zei hmanh ah rel piak lo ding. Na tak pum ka ngah hnu lawng ah kan tthit lai a ti mi pa pawl he nan i tong sual a si ah cun aa duh mi nan si hlan in a zam in zam tak hna uh. Na ka zumh lo maw? Kei mah nih kan zoh khanh lai. Kan cawm lai an ti zong ah nan phanah in khan an hmai ah bengh hna uh law kal tak hna uh.

A kan duh tak mi pa nih cun kha ban tuk chim lo mi nih a kan zoh sang ding tu in an si khawh tawk in ,a mansung mi ro ban tuk in a kan zoh.

Hi ca hi nu lei kam zoh in tial mi a si lo. Pa paoh paoh zong zoh niam nak in tial mi a si fawn lo. Tu chan i thil a cang mi hna he tah chunh in tial mi tu a si.

Tu chan ah cun hi ban tuk thil hi a tam tuk cang.

Na duh a si le Share kha rak philh hlah.

Credit : Pagota

Leave a Reply

Your email address will not be published. Required fields are marked *