IBM nih Computer thawngbik mi turu tuk mi Quantum Computer thawngbik angeih tiah anrak phuang cang, athawn ning cu?

Quantum Computer cu chim fian nak bik ah cun super computer zong nih zungzal in an tuaktan khawh lo mi, tuaktan khawhtu khi asi, future ah cun engineering, physics, biology, chemistry lei ah hman tambik ding asi, nikum hmasa ah khan Google nih Sycamore kan Quantum Computer tuah mi cu a thawngbik Quantum Supremacy kan si tiah arak ti cang, nikum kum donghnak lei ah khan,  University of Science & Technology of China (USTC) tuah Zuchongzhi 66 qubits le IBM 65 qubits hna nih thawngbik sinak arak ngeih ve than cang, mah hna hi Quantum Computer zong ah Superconducting qubits tiah an ti khi asi, computer chip/processor bantuk thiamthiam in, quantum processor chip hmang ansi, temperature kiiktuk mi tang ah function khawh khi asi.

Kan hnu deuh ah khan China USTC lei nih adang deuh, photonic based hmang in Jiuzhang 2.0 tluk thawng kan tuah tiah arak ti, nain mah ah hin theih ding cu China Jiuzhang 2.0 hi Superconducting Qubits hna bantuk in, universal quantum computer ansi velo khi asi, programmable ansi lo, chip hi processor dang hman asi lo, niceu photonic light hmang in experiment phun khat anngei asi ko, superconducting qubits pawl nak in practical ve lo tinak asi, Cun IBM nih nizan ah khan Quantum Processor thawngbik ‘Eagle’ tiah min apek mi cu arak show than kha asi, athawn ning hi 127 Qubits bak khi asi, IBM nih hin 2022 ah 400 qubits ah thawnter ding in upgrade an tim, 2023 ah cun 1000 qubit athawnter manh an zumh, Google lei zong nih anrak in update than deng mang cang.

Quantum Computing hi tuah ning phun dang dang in a um, mah chung ah lang bik le leader hna cu mah hna hi an si.

1.Superconducting Qubits

– Google , IBM ,Rigetti , Dwave , Zuchongzhi

2.Photonic Quantum Computing

– Xanadu , PsiQuantum , Jiuzhang

  1. Ions Traps Quantum Computing

– Honeywell , IonQ

4.Topological Quantum Computing

– Microsoft

  1. Semi conducting Qubits quantum computing

– Intel , QuTech

6.Nitrogen Vacancy System

– MIT , Quantum Brilliance

Quantum Computer cu Ropi tuk ko lai nain, san tlai ngai ngai in hman khawh ding ah cun, kum tam deuh research ngeih a duh rih lai tiah report nih alanghter mi asi.