India nih President thim ding ah 16 nak July 18 2022 ah asi lai President thim ding ah hin rampum ah voter 4,809 an ngei,

India President thimnak vawi 16 nak cu, July18, 2022-ah ngeih ding kong ah Mizoram Legislative Assembly secretary H Lalrinawma, presiding officer si fawn nih nizan ah khan, Assembly House committee room-ah Media hna he an itonnak ah achim mi cu, India ram President thimnak ah hin rampum Vote ngei minung 4,809 an um tiah, Mizoram ah MLA 40-hna vote hi 320 tluk he akhat khi asi, H Lalrinawma nih cun, President thimnak ding ah thil an kalpi cuah mah lio asi tiin achim, “Covid-19 zawtnak a darh than lio khi asi ruang ah, ralring tein thil dang dang hna ah hma lak lio asi, MLA hna chung ah Covid-19 positive an ngeih sual asi ah cun, Election Commission of India hruainak bantuk in last hour-ah vote an thlak khwahnak ding ah ruahman nak tuah asi lai, ECI nih voter-hna tling tein vote thlak an duh tiah ati.

Assembly Secretary tarlan ning in, MP-hna cu Parliament House-ah vote thlak ding asi te lai tiin, MLA-hna cu an state Assembly House-ah vote thlak ding ah ruah asi, Thil herh emergency ah cun Delhi le state dang dang headquarters-ah vote thlak sianh piak khawh asi lai, Vote thlak ding mi hna le election ah duty ding mi hna cu, vote thlaknak hmun ah an luh hlan ah swab sample test/zoh dih asi lai, ballot paper hmang in vote thlak asi lai tiah H Lalrinawma nih media hna sin ah achim.

President thimnak ah thil pawimawh theih a her mi hna cu:-

1) President thim ding in vote ngei minung 4,809 an um, MLA 4,033 an um, Lok Sabha MP 543 le Rajya Sabha MP 233 hna an si.

2) MLA pakhat vote hi minung pariat (8) he atluk khi asi, MP pakhat vote hi minung zasarih 700+700×776 he atluk khi asi.

3) Vote um mi vialte 4,809 cu minung 1,118,664 he atluk tinak khi asi.

4) Mizoram MLA 40-hna vote cu minung (40X8)=320 he atluk khi asi.

5) July 18, 2022 zing suimilam10:00Am le zan lei suimilam 5:00PM karlak ah vote thlak a si lai.

6) July 21, 2022-ah Parliament House, New Delhi-ah vote rel/count asi lai.

India ram ah President thim ning hi phun dang ngai in a um ve, MLA pakhat nih vote 8 ngei tluk khi asi lio ah, MP pakhat nih vote 700 ngei tluk khi asi, Cu ti asi ah cun MLA hna nih vote 4033×8=32,264 an ngei lai, Lok Sabha MP 543 le Raja Sabha MP 233 cu fawnh in MP vote cu 700+700×776=1,086,400 tluk khi asi, total in 1,086,400+32,264=1,118,664 vote ngei khi asi, mah hi India ram President thim ning ah vote an thlak ning asi tiah an chim.