Ivanka Trump nih Lungthin Zawtnak (Depression) Ka ngei Tawn tiah a phuan – Salai Kawltu

Ivanka Trump nih Lungthin Zawtnak (Depression) Ka ngei Tawn tiah a phuan

Tialtu: James Cung

WASHINGTON, Sept. 22 –US President fanu upa bik Ivanka Trump fa pathum a ngei cangmi nih a chimmi cu fa ka pawi fatin fapawi lungzawtnak (Postpartum depression) ka ngei tiah a chim.

Dr. Oz Show Interview a neihnak ah “Fa pathum ka nei cang, fa ka pawi lio caan paoh ah lungthin zawtnak ka ngei, cubantuk caan ahcun i zuam tak tak a herh, lungtho ngaiin um peng a hau, a ruang cu hringtunu dirhmun ka tlamtlinh sual lailo ti ka phan ruang ah a si” tiah Donald Trump fanu upa bik kum 35 a simi Ivanka trump nih a chim.

“Ka zoh tuah, fa ka neih ruang ah ttuanvo nganpi ka ngei ti ruahnak ka ngei, cungkai duhnak lungthin zong ka nei fawn, duhnak tthawng a ngeimi zong ka si rih, cu lungthin nih cun nu cu a kan uk dih, hibantuk lungthin hi kan ram hringtunu pawl nih an neih dihmi asi” tiah Dr. Oz cu Ivanka Trump nih a chimh.

Lungthin zawtnak (depression) nih thleidan a ngeilo, mi vanttha ah kan ruahmi Ivanka trump zong nih a neih ve tthiam tthiam ko, cucaah hi thil hi aho paoh neih khawhmi a si” tiah USA today nih fianternak ah an chim.

U.S. Centers for Disease Control and Prevention nih an hlathlai ning ah US hringtunu pakua ah pakhat paoh nih hibantuk lungthin zawtnak (depression) hi an nei.

Source : New York Times

Leave a Reply

Your email address will not be published. Required fields are marked *