January 24 ah Conor le Dustin Poireir an i Phomh Lai (Zoh Nuam Bak Dingmi)

UFC Lightweight ah aa raal taktak mi pahnih Dustin Poireir le Conor McGregor cu a ra lai mi January 24 UFC : 257 ah an i thua cang lai. Hi puai a ra lai mi hi UFC zaoh tawnmi caah cun tlawlh sian a si bak lai lo. McGregor le Poireir hi kum 2014 ah rak i thua cang. Cu lio ahcun round khatnak second 90 chung ah MacGregor nih a rak tei.

 Hiti a tei lainak kong hi conference an ngeih lio ah a rak chim cia, i a bia ning tein a tuah khawh. Dustin Poireir zong hi UFC Lightweight ahcun a thawng taktak mi a si ve. Nai te aa thuat ah tulio New Zealand fighter min thang Dan hooker cu a tei. Conor lak i a sungh hnu ah vawikhat lawng a sung, mah hmanh cu Khabib lak ah a si. Khabib cu McGregor zong nih a tei ve lo khah. Poireir thiamnak hi kum 5 chung ah aa chap tuk cang caah McGregor nih a tei lai, tiah fawi tein chim khawh a si lo.

Si nain, an rak i thuat cianak Kan zoh ahcun McGregor a thiam deuh ti khawh a si. Min thang tampi nih a teitu ding an chimning aa lo cio lo. Cu hna lakah Aung la le Tial Thang hawipa Gilbert Burns nih cun McGregor a zumh deuh. McGregor hi tlaih le khih ahcun Poireir nakin a thiam lo deuh an ti ko nain, Gilbert nih cun aa zumh lo. “McGregor hi a thawng tuk, Khabib zong nih fawi tein a teng kho lo, Mendes le Diaz lak zong in aa kham kho ko, cu ruang ah a thiam lo an ti mi hi cu kaa zumh lo,” a ti.McGregor hi nikum January ah Donald Cerrone he an i thuat leng cu vawikhat hmanh UFC thir kulh chung ah aa langh ti lo. Mah tan ah khan Donalh cu second 40 chung ah a tei.