Japan Ram ah Pa Kum 40-60 Karlak aa Thatmi Tam Tuk an Karh



Japan ram ah mah le mah ithahnak (Suicide) biatak tein a karh. Mah le mah aa thatmi lakah Pa kum 40-65 karlak hi a tam bik ti a  si. Pa Mah le mah aa thatmi (Suicide), kum 40-65 karlak pawl hi cacawn nikhatni (Monday) i riantuan an ttin hlan caan ah hin an ithat bik tawn ti asi. Chun ni tlak rian thaba ngai i an ttuan hnu ah lungdongh in an ithat tawn.

Tokyo i  Waseda University le Osaka University nih hi kong hi fehternak a tuah. Dothlattu hna nih hin mah le mah aa thatmi pawl hi kum 1974-2014 karlak i case 873,000 an zoh hnu ah fehternak an tuah mi hi a si.  Kum 20 chung dothlatnak an ngeihmi ah mah le mah aa thatmi tambiknak (world’s highest suicide rates) ram pakhat hi Japan ram hi a si.

Khuaruahhar a simi cu nidang vialte nakin ca cawnnikhatni (Monday) ah aa thatmi an tam khun.  Cucaah Japan ram ah mah le mah aa thatmi an zor deuh khaw nak hnga tiah thinlung le taksa lei thazaang peknak (telephone consultation services) zong biatak tein kalpi a si.

Pa Kum 40 in kum 65 karlak aa thatmi hna hi cacawnnikhatni (Monday) zing 4 am in 7:59 am karlak ah mah le mah nunnak aa la mi an tam ti a si. Zan (Night) i mah le mah aa thatmi nakin zing (morning) i aa thatmi (Suicide) hi a tam deuh. Cun zarhteni (Saturday) ni i aa thatmi nakin cacawnnikhatni (Monday) i aa thatmi hi a let in an tam deuh rih ti a si fawn. Mah le mah aa thatmi vialte lak ah Nu (Female) nakin Pa kum 40-60 karlak hi a let in an tam deuh ti a si. 

Source: Daily Mail.



Be the first to comment

Leave a Reply

Your email address will not be published.


*