Japanese Apiaka Mintami aa Phuang Nak



Apiaka mintami a rak ttuanbal mi Emiri Okazaki kum 27, Tokyo i khua a sami nu nih a rianttuan vialte cu a phuan dih. Emiri Okazaki nih a chim ning ah apiaka riantuannak i a tuanpi a hawile nu pawl cu $ 100,000 tiang i a hlawhmi zong an um tiah  a ti. Asinain Emiri Okazaki nih hin a rianttuannak i aa chirnak kong biatak tein a phuan hi a si.

Emiri Okazaki, Tokyo i a ummi hi model minthang le TV i  minthang a si lai lo ti a theih hnu in apiaka rianttuannak lei ah hin a rak lut.

Emiri Okazaki nih a chimning ah apiaka movie kan i zeih dih bak i, camera phih (off)  a si bak hin ka tap tawn  tiah a ti. Tutan ah Emiri Okazaki  apiaka rianttuannak i a rianttuannak vialte a phuan dih. A kong a phuannak hi YouTube star Kei, Asian Boss channel ah a si.

Emiri Okazaki nih cun apiaka movie pakhat te ah $6000 tiang ka hlawh i thlakhat ah movie 28 tiang ah kaa tel tawn tiah a ti. Asinain hi a rianttuannak nih a nunnak tthatlonak tampi a tlunter.

Amah a hringtu nu lila nih Emiri Okazaki cu apiaka movie tuahnak ah rian a ttuan ti a theih hnu ah thla 6 chung bak a hlawt. Cun a tlangval pa a nu zong nih a fapa tthen dingin voi tampi khua a khang. Emiri Okazaki hi an rak zahpi tuk.

Emiri Okazaki hi kum 21 a si in hi rian ah hin a lut i, atu ahcun kum 27 a si cang. A chim ningah ‘movie kan i zeih dih,camera a van dongh (off) bak hin biatak tein keimah le keimah kong ka ruat i ka tap tawn . Nu tampi zong movie an i zeih cuahmah lio i an tah hi ka hmuh tawn. Kei tu cu movie ka zeih cuahmah lio ahcun keimah sinak tak tak a silo tiah ka ruah caah ka tap lem lo, asinain rian in ka lawi, inn ka phanh bak in biatak tein ka tap tawn. Hi bantuk rianttuan i aa telmi ah hin, mirum fanu hna le cathiam pipi le university minthang i a kaimi muidawh nu tampi hna zong an i tel’ tiah a ti.

Emiri Okazaki hi atu ahcun a rian hi a dinh tak cang i amah tein ttamhnak Beauty business lei ah rianttuan hram aa thok cang. ‘Hi ka rianttuanak kong hi ka tlangval pa tiang nih a theih tikah thah tiang  a ka timh’ tiah a ti.

Hi bantuk rian i a ttuanmi nu pawl nih cun $ 10,000 le $100,000 tiang thla khat ah an hlawh. Cun contract phun in movie pakhat ah $ 2000 in $ 6000 karlak tiang i a hlawhmi zong an um tiah a ti.

Emiri Okazaki nih a phuan tthanmi cu ‘camera hmai i nupa sinak tuah le a tak i nupasinak tuah hi aa dang bak. Camera hmai ah cun camera i kan langh ning ding lawng kan tuak, mi tampi nih apiaka mintami hna hi nupasinak tuahnak lei ah an thiam tuk lai tiah an ruah, asinain hihi a dik bak lo mi a si. Camera hmai lawng ah a si, a tak tak ah nupisinak tuah a thiam ngai ngai mi an si lo, pa zong cu thiam thiam’ tiah a ti.

Emiri Okazaki hi apiaka riantuannak lei i a luh cu  a hawi le le a chungkhar hna nih an theih hnu in biatak tein  an hlawt. Emiri Okazaki nih cun hibantuk rianttuan i alut mi nu tampi an i chir hi ka mit bak in ka hmuh cang hna tiah a ti fawn. A tlai cang hnu cun ichir zong san a tlai ti lo.

Source: Daily Mail



Be the first to comment

Leave a Reply

Your email address will not be published.


*