Kawl nu pawl idawhnak Biathli

Tialtu: Nruata

Minung cu pa kan si maw nu kan si zongah, kan dih lak hin mui dawh a duhmi kan si i. Muidawh kan si khawh naak ding hnga thuh boih ttha ttha ka i thuh hna i. A tu i kan chim ding zong hi kawl nungak nih mui dawhnaak ca i an hman cem mi ‘Thanakha’ hi a si.

Thanakha hi thingkung hme te in lak a si i, Kawl nungak nih muidawh naak ca ding ah an hman mi a si i, ni linn lakah a huhphenh fawn hna i, kum 2,000 liam cia khan an rak hman cang mi a si i, a tu tiang in hman a si.

 Thanakha ah hin Vitamin-E a um i, nungak nih an i thuh tikah thli chia le bacteria le vun ro lakin a khamh hna i, Thanakha hman tawn mi hmai cu hmang lo mi hmai naak in a ceu deuh i, an hmai vun zong an i dawh deuh fawn.

Thanakha hi nu lawng silo in pa zong nih an hman ve fawn i, vun dawh khawhnaak ding ca i hmang mi zong tam pi an um ve i, ni linn lak i huhphenh naak ding ca i hmang mi zong an um ve fawn.

 Khoi ka hmun paoh ah si seh law mui dawh le mui ceu deuh a duhmi nih cun Thanakha hi kan ngeih cio awk a si ko. Vawlei cung a uktu sining te i ser mi a si caah a ttha company dang dang thuh boih naak in a ttha deuh ti si. Mui dawh na duh ahcun hmang ve ko.

 

Leave a Reply

Your email address will not be published. Required fields are marked *