Khah nungak pawl zeitin dah nan tthut cio? Nan Lungput fiangtein langhter asi ko hih. Hlasakthiam Van Hlei Sung thutning bantuk tthumi nu hi uar an um kho taktak. – Salai Kawltu

Khah nungak pawl zeitin dah nan tthut cio? Nan Lungput fiangtein langhter asi ko hih. Hlasakthiam Van Hlei Sung thutning bantuk tthumi nu hi uar an um kho taktak.

Psychology lei thiammi pawl nih minung lungput sining hna hi mit au, mit thep, cal um tuning, hmur pungsan tibantukin theih khawh a si tiah an ti. Cu cu tutan ah vunlanghter than ka duh. Minung hi kan thutning pungsan zong an i lo hna lo i, kan ih ning pungsan zong cubantuk thiam cun a si. Tutan ah hmanthlak kan langhtermi hi thutning pungsan panga a si lai. Mah thutning pungsan nih hin zeibantuk minung dah a si ti a langhter.

A. Pakhatnak bantukin na thut ning pungsan a si ah cun, hibantuk minung hi si dawh na si- mah dirhmun le lungput fek tein aa tlaihlomi an si. Thil thar lei paoh a uarmi an si caah an lungput puitling har mi an si. Amahbel anmah caah thiltha asimi le na hawi le caah aa siang ngaimi an si i, bia phawng phawng chim hmang mi an si lo.

B. Pahnihnak bantuk pungsan a thumi hna cu, bia an chim zongah aa ralring ngaimi minung an si. Zeibantuk minung dah ka si ti aa fiangmi an si i, midang cungah zakhat zakhat zumhnak an chiah ballo. Umtu ning cu midang cungah an zumhnak an hngat dih ngam ballo. Pehtlaihnak (tlangval he)zongah an sining dihlak in an tlangval le cungah pek a duhlo mi an si. Anmah le mah aa control khomi an si ruangah thil thalo kaltak zong an i harh lo.

C. Pathumnak bantuk in a thumi minung hna cu, mi tluangtlam an si. Zeithil an ton zongah thilrit ah a ruatmi silo in a fawizang khawhnak lam a kawlmi an si. Chungkhar, chungkhat cingla rualchan a tlaihchanmi le hawikom a tlaihchanmi an si. Mi tluangtlam an si caah hin mibu sinah thutto hi nuam an ti. An muisam ah lawmhnak mithmai an pu, mi nih zoh tikah lungthin tha a dam i a nuam kho tuk. Amahbel thil philh an i fawih ngai ngai.

D. Palinak thutning phungsan khi zoh law, mah bantuk minung hna cu zeipaoh hi an i biatak. Thil tuah tik zongah aa biatakmi an si i, biachim tik zongah a dikmi cu fianghlang tein a chimmi an si. Thuhmi thil an nei lo, diknak timi hi an duhmi cu a si. Cubantu minung an si ruangah hi thil ka tuahmi nih hin, ka chimmi nih hin midang a hnursuang hna lai maw, an fak tuk sual lai maw ti an ruat lo, a hman mi cu a hman ning bantuk in a chim mi an si ko.

E. Panganak bantukin a thumi nu cu anmah le mah aa dawmi, mah zawn aa ruatmi an si.Thangchiat mual phoh timi hi a tih tukmi an si caah an theihmi bia cu a hman le hman lo ti theih an i zuam peng. Thiltha duhmi an si bantuk in midang zong nih thil tha tuah ve hna seh ti an duh ruangah mi forhfial hi an duh ngai. An hawi le si hna seh, midang an si zong ah dirhmun tha ah dir hna seh timi lungput a ngeimi an si. Cu caah an tuahmi thil ah tlamtling mi an tam.

Hi hi na sining a si tak tak tiin nangmah ah naa ruah kho men. Cu cu a hman dih lo. Zeicatiah minung sining cu mah le mah nih aa thei bikmi kan si. Cu ruangah hi thil nih a chim ruangah na lungrawk tuk hlah sehlaw, na lungput remhnak tu ah hmang deuh law a tha

Leave a Reply

Your email address will not be published. Required fields are marked *