Khuaruahhar Kum 4500 Upa Nu le Pa Ruhro bak an Hmuh

 Kum 4500 bak a rau cangmi khuaruahhar tak takmi Nu le Pa ruhro cu India ram ah an hmuh. Hi ruhro hi hlanlio minung pawl khua rak saknak thlanmual, Harappan (or Indus Valley) city ah an hmuh. Atu ahcun hi khua India ram Haryana State i khuate Rakhigarhi village a si cang.

Hi ruhro hi Nu le Pa an si i, kum 4500 bak a rau cangmi ruhro a si. Hi ruhro hi archaeologists le scientists pawl nih 2016 kum khan an rak  hmuh cang. Hi ruhro pahnih hna konglam hi tutan ah fiang deuh in langhter an tuah hi a si. Zeiruang ah hi ruhro hi hmunkhat te ah an phum? Zeiruang ah dah an thih? Tibantuk tiang dothlatnak an rak ngei. Tutan ah fiang deuh in langhternak le an theihhngalhmi tlawmpal an van langhter hi a si.

Hi ruhro pahnih hi aa kawpmi Nu le Pa si dawh an si i, an ruhro umtuning ah aa theihngal ngaimi an si hrim hrim lai tiah langhter a si. Pa hi a thih ahhin kum 35 a si i ,nu hi a thih ah hin kum 25 a si ve. An pahnih hin an tung sang veve. Pa hi feet 5.8 a si i, nu hi feet 5.6 bak a si ve. An thih ni le caan zong hi aa khat bak lai tiah zumhnak a um. Zeiruang set ah dah an thih tihi fiang tak tak in theih khawh cu a si lo. Hi hna ruhro umtu an zoh lengmang tikah ruah damh awk har ngai in a um.

Archaeologists le scientists pawl chimning ah hi ruhro pahnih luruh hi tha tien an zoh tikah zeihmanh ihliamkhuainak le chambaunak a um lo tiah an ti. Cun hi hna pahnih an thih lio ah hi an pahnih in an ngan a dam lio saling veve a si fawn lai tiah an langhter rih. Cucaah tuni tiang hi ruhro pahnih hna kong ah archaeologists le scientists pawl an lung a tap ngai ngai. A duhmi Nu le pa cu an si, asinain zeiruang set ah dah an pahnih tein caan aa khat veve ah an thih ti cu khuaruahnak tampi a um rih.

Source: BBC

Leave a Reply

Your email address will not be published. Required fields are marked *