Puk Puk (Hnamh) Zeitlukindah a Biapit? – Salai Kawltu

Puk Puk (Hnamh) Zeitlukindah a Biapit?

Na Dawtmi na Daling le he nan ipehtlaihnak caah zeitluk in dah i hnamh a biapit? timi Oxford University mithiam pawl dothlatnak.

Oxford University mithiam hna nih nu le pa i hnamh (kiss) hi thil biapimi a simaw? tiah hlathlainak (researcher)  biatak tein an a tuah tikah thil tampi an hmuhmi a um. Minung i dawtnak tak tak thei bu tein i hnamhnak nih a phun phun in minung kan nunnak ah tthathnemnak tampi a rak chuahpi.

 

Lunglawmhnak a karhter pin ah lungretheihnak a tlauter

Couple in the park. He is carrying the girl.

Minung kan i hnamh tikah kan thluak in nawmhnak a sertu chemical pawl cu a cawlcanghter i, kan lungput ah nawmhnak tampi a chuahter tiah chungkhar pehtlaihnak lei sibawi Dr. Shery Meyers nih a chim.

Cucaah na dawtmi he lunglawm thanuam tein caan nan hmannak caah i hnamh cu a tha tak takmi vitamin bantuk a si. Asinain na dawt tak tak lo mi cu heh tiah hnamh len hmanhlaw sullam a ngei hrim hrim lai lo.

Lungthin Damnak Caah

I hnamh cu na hmurka i na chim thiam lomi na dawt tukmi sin ah i pehtlaihnak an chimpiaktu a si. Na dawtmi cu a hmur tang le cung lei uar nawn in na hnamh tikah nangmah lawng si loin na dawtmi lungthin tiangin nan i pehtlaihnak ah a sunglawi tukmi i ngaihthiamnak le lungthin fahnak tampi a damter lai. Minung chunglei in kan tonmi thil fak deuhin na theihthiam chin chin lai.

Nan pahnih caah buainak chaangtu a si lai

I hnamh hi tampi nih chantiluan dawinak sawsawh men ah an ruah. Cucaah an dawt tak tak lomi zong fawi tein an hnamh khawh dih hna. Hi bantuk cawlcanghnak nih an lungthin ah thil a sining dingin i hnamh biapinak nih rian a tuan kho tawn lo.

Mi cheu nih buai lio caan i hnamh cu caan heunak lawng a si tiah an ruah, a rak si nemmam lo. Minung nu le pa i ipehtlaihnak caah mithiam Marni Battista nih a chim ningah “Buai caan zong ah cikhat te i hnamhnak nih caan a heuter mi nakin a miak a let in a tam deuh, buainak lak in hnangamnak a thawhter” tiah a ti.

Holh lo tein biachimtu a si

Na ngaih tukmi le na dawtmi kha zeitlukindah na ngaih i na dawt? timi chim haulo tein chimpiaktu a si. Na hnamh ning ah zeitluk in dah na dawt? An dawtu tak tak he i pehtlaihnak nan ser maw? ti tiangin a chim fiangtu a si.

Ipehtlaihnak ah dawtnak fehtertu a si

Nu le pa kan i hnamh tikah kan ipehtlaihnak ah fakpi in rian a ttuan. Lungthin nawmhnak, zalonnak, i zumhnak tibantuk a phun phun a chuahter i, kan ruahlo piin ipehtlaihnak caah rian tampi a rak ttuan.

Dawtnak he i hnamhnak nih cun kan thluak  caah thil biapi tak tak ah an chiahmi oxytocin a cawlcanghter. Nu le pa karlak ah i zawnruahnak tampi a karhter i, minung kan lungput nih kan pumsa a sersiamnak caah Hormone an timi zong i hnamhnak nih a cawlcanghter. Pakhat le pakhat i hnamhnak nih ipehtlaihnak ah tampi lungthin a nawmhter leng ah tthawng chin chin in i zumhnak a ser.

Khah i hnamh a biapinak na theih cang, cucaah na dawt tak takmi na daling cu i hnamhnak nih zeitlukindah nan i pehtlaihnak a tthawnter lai? ti thei bu tein va hnam ko ne.

Source : Elle, Femina

Leave a Reply

Your email address will not be published. Required fields are marked *