Kum 1955 ah khan Albert Einstein cu arak thi cang kha asi, Albert Einstein-ta thluak hi khawika adah a um?

Kum 1955 ah khan Albert Einstein cu a thi cang, a thih hnu ah khan a thluak cu a luruh in, lakchuah dih asi, a thluak cu hmun 240-ah then asi, duhsa duhsa tein vawlei hmun dang dang ah, scientist-hna sin ah sem/pek darh a si, Sihmanselaw atu ah hin khawika dah Einstein thluak cu a um? Tihi asi, Kum 1955 April 18 ah khan Albert Einstein cu kum 76 siin, a paw chung ah thisen zam kalnak acat ruang ah athi tiin, University Medical Center of Princeton, Plainsboro, New Jersey hmun ah a thi kha asi, Amah duh ning bantuk in, physicist ropi ruak cu mei ah khangh dih asi, a vaivut cu hmun theih lo ah thli nih a len darh asi.

Einstein-a thih hnu te ah hin physicist thi cang ruak autopsy tuahtu mi pakhat Princeton hospital pathologist Thomas Stoltz Harvey nih cun, Einstein- thluak cu a taksa in a lak chuah, block 240-ah then a si, kum 40 nak tam tha tein an chiah asi, Atu ah cun cu bantuk block chung ah 170 cu University Medical Center of Princeton-ah pek kir than in an chiah cang, cu hmun ah cunn ralrin tein chiah asi tiah, BBC nih cun tarlan asi, Einstein- thluak tissue cheukhat sam bantuk asau mi slice dang 46 cu Philadelphia-ah Mutter Museum of medical history-ah phochuah tawn asi fawn, Piece dang tampi cu a tlau cang tiah an ti.

Zeitin dah vawlei thawng pang ah minung thluak ngaihven bik mi cu cheukhat a tlau khawh? Harvey le mi dang zei maw zat nih an ruah ning an ngei mi cu, Einstein- thluak ah hin thil danglam bik a um lai tiah an zumh, a thluak cak/thawng cungnung tuk mi cu,  sciennce thiamnak hmang in zoh fianter siin a thiamnak cu a chimfian khawh an zumh khi asi, Thomas Stoltz Harvey nih  kum 1994 ah khan Albert Einstein thluak cheu khat an chiahnak bawm cu a ken khi asi, Harvey nih hin kum 1955 ah khan Einstein- ruak chiahnak hmun zohkhentu a si, Physicist thluak tam deuh cu Harvey nih hin kum 40 leng bak cu, pumpak personal kut ah tha tein arak chiah kha asi.

Kum 1955-ah Einstein thluak a lak chuah than hnu ah Harvey nih block cheu khat cu set 12 tluk in then darh than in tissue 200-ah pan te te in can darh than ding asi, Pakhat te hi cu minung sam kau lei acheu nak lian lo ding ah tan asi, Angle dang dang in a thluak pumpi hman thlak hi lak asi fawn, Einstein-a chung hna sianhnak lak hmasa lo in, Harvey nih cu thluak then darh cia cu achiah khawm hna, research tuahtu mi dang dang hna sin ah a pek darh khi asi, Bia tak tein research tuah in an zoh fian hnu ah, an beisei ning bantuk in a thluak chung ah biathli athup mi cu an hmuchuak khawh khi asi, Harvey nih hin pumpak bak in hi sample tampi hi U.S. le Canada hmun cheukhat ah a kuat darh khi asi.

Einstein thluak cheu khat cu car chung bawm pakhat-ah tha tein an chiah kong zong chim asi, A donghnak ah cun mifim tuk mi  thluak cu hmun dang dang akal hnu ah Harvey nih a thluak cheu khat block a umrih mi hna cu, a in chung jar dang dang ah chiah asi, Hi kong ah hin ngaihven tak tak tu hna le researcher hna sin ah, sample a pek zulh peng fawn khi asi, nain, Harvey nih hin Einstein thluak tam deuh cu kum 1998 tiang cu tha tein arak chiah tlat kha asi, Einstein-luruh in a lakchuah hnu kum 43 aruak cu, University Medical Center of Princeton-ah akuat kir than asi,  Atu ah cun scientist-hna zong nih achan tha tak ngei lo mi cu, Medical Center-ah mi ropi thluak hi zoh sianh piak asi ti lo tiah, BBC nih a tarlang.

Harvey nih Einstein-thluak biathli cu theih khawh ding in, Harvey-nih thlalak le sample kong ah hin, research tuah nak ah a fainter mi hna cu, zei maw zat chuahter asi cang, a hmasa bik cu kum 1985 ah khan asi, Hi research nih alanghter mi cu, minung normal hna thluak he a tluk lo, Einstein- thluak umtu ning hi adang ngai timi hi hmuhchuah asi, Einstein- thluak peng khat ah cun khuar bik deuh a um fawn, minun thluak chung ah theih pengnak sersiamtu le ruahmannak ngeih tertu he ipeh tlat khi asi, Hmun cheu khat ah cun midang nak in thluak tha zam tam deuh a um fawn, hi nih hin theih pengnak rangdeuh in atuah khawh khi asi.

Harvey nih thluak hme tete research tuah ding ah a pek mi hna cu, a hmun ah arak pek kirter dih hna cang tiah ati.

– Copyright © 2022 Zalen. All Rights Reserved,