Kum 1980 ah khan West Germany ah British Sector umnak vawlei tang puk ah Inspector Brandt-nih thil mak tuk ahmuh mi cu,

Mah thil an hmuh mi cu Ralpi II-nak can lio German ralkap pakhat aruh uniform ahruk fawn mi chair ah arak thu mi kha asi, A kut in Dairy aken pengrih fawn, mah dairy ah tial mi in alangh ning ah cun, German ralkap ruh cu Han Schmitt-arak si, Ralpi II-nak lio 1941 in 1945 lio hrawng an thil ton mak ngai mi le tih arak nun ning thawngpang asi, Mah dairy arak tial hramthawhnak hi kum 1941 ah German ram nih Russia ram arak thuat hramthawh nak kha asi, Kum 1941 ah khan Eastern Frontier lei ah Russian ralkap hna thuat ding in Germany nih cun ralkap hna an luhter hna, mah chung ah cun Hans Schmitt-zong hi a tel ve khi asi, An post umnak an phan ah cun, an mah lei tanpi mi Romanian ralkap pawl arak um diam cang, An post umnak an phan hnu arauh hlan ah cun zankhat cu an Unit Sergeant nih Schmitt-cu, Russian camp zoh/hlatthlai ding cu zulh ve ding ah sawm asi.

Zan akiktuk mi tang ah ralring tein Russian camp kulhnak barbwire cu arak cep/chat khi asi, mah lio ah van chiat ah Russian sentry pakhat nih arak hmuh khi asi, Sergeant nih cun bayonet phoih in Russian sentry cu ava thuat ve bak ko nain teitu um lo veve in, amah le amah cu namte he an isawh veve khi asi, an ithuat nak thawng cu theih in Russian sentries dang 5 hna cu arak phan ve cawlh Schmitt- nih mi 5 arak phan ah cun atih tuk caah tlik/zam atim cu barbwire ah arak tang tlat khi asi, Russian ralkap hna nih torchlight hr fiangtuk in  an hmuh kap ding in meithal he an tin bak cang, Schmitt-caah cun thih asi ko cang luatnak a um ti lo, Asinain thil mak ngai mi arak phan bak ko Schmitt-nih tih nung ngai ngai in a um lio ah cun, Russian pawl hnulei ah cun hlimthla minung zuk bantuk in muinak chung in arak lang bak khi asi, mah hlimthla nih cun vawi le khat ah Russian pawl cu arak khuh dih khi asi, an torchlight vang mi zong arak thi dih cawlh ve, A mui tuk hringhran caah Schmitt-nih cun zei thil dah aphan timi zong zeihmanh ahmu khawh lo khi asi.

Russia ralkap hna zawtfah tuar bantuk in an au nak thawng cu atheih ko, A hnu deuh ah cun zei thawng hmanh um lo in adaidep ko kha asi, Schmitt-zong cawlcang kho lo bak in  barbwire ah tang peng in zei thil dah asi timi aruah lio khi asi, cu bantuk in khua aruah lio ah a pawng te ah cun Romanian ralkap Captain Constanta le a nau pawl kha arak um khi asi, khawika in dah arat ti zong theih bak lo in arak lang tawp ko kha asi, mah hna nih cun Schmitt-pawng ah cun nangmah lei tang mi kan si tiah achim, mah Russian ralkap hna cu an thah dih cang tiin, Schmitt-tannak barbwire cu cep/cat piak in an chuah, Capt.Constanta nih Romanian mountain troops ansi timi chim in zan lei ah cawlcang tawn, special unit asi nak kong achim, Schmitt-nih cun lawmnak bia achim hnu ah cun anmah hna German Camp lei ah cun kirthan in an thil ton mi cu an hruaitu hna sin ah cun report a pek hna, nain mah  Romanian troops pawl nih khan alung anuamter kho hrimhrim lo kha asi.

Thaizing ah cun an Division vialte hna nih cun East Front lei cu an kal hnawh hna, Russian camp an va luh ah cun medics pawl nih a hmasa zanlei ah Capt.Constanta pawl nih anrak thah mi ruak cu an va zoh hna lio khi asi, Medics pawl nih cun mah Russian ralkap ruak hna cu, Thisen an ngei hna lo hip piak dih asi timi an hmuh, mah thil cu Schmitt-nih a theih tik ah mak an tin gai ngai ko caah alung anuam lo chinchin khi asi, mah hnu ah cun Russian pawl cu an nawr ngaingai ko lio ah cun Romanian ralkap truck pakhat hi arak ra, German ralkap hna he tangti an siruang ah truck driver cu, German ralkap nih cun an chawnh, Schmitt-nih cun motor hnulei khuhnak cu zeidah an phur tiah ava zoh cu, mithi chiahnak thingkuang long in akhat ko, mah lio ah truck driver nih cun thin hung ngai in Capt.Constanta cu supply lei thil asi kong chim in akal daih khi asi.

Hlan lio ah Romanian mountain troops pawl thawngpang mak ngai mi le adang ngai ngai mi an chim tawn ko nain, Schmitt-nih cun azum bal lo khi asi nain atu ah cun ataktak asi timi cu arak zum ngaingai cang khi asi, khua tampi aruatter fawn khi asi, Romanian ralkap pawl cu chun ah hin hmuh ding an um bal lo Capt.Constanta hna zat bak mithi kuang cu, Romanian truck nih khan a phur fawn kha asi, Vawikhat cu zan lei nitlak hnu ah khua mui hlan te ah cun, German ralkap pawl le an mah hna azul mi Romanian truck hna nih tlang le tlang karlak ruam ah an kal lio in Russian ralkap rangcit mi Cossack Horsemen hna nih anrak thuat tawp khi asi, ruasur le nawngcek kar ah kal asi caah, German pawl meithal cu hmantlak lo dih asi pin ah cossack horsemen pawl nih ngunhnam he arak thuat hna khi asi, German pawl caah cun cawlcang ngaihnak a um lo khi asi. Karak peh than te lai!

Cre:Moses pa