Kum 25 a tling cangmi Sui Sui i phuannak: Nihin tiangah tlangval pa 3 ka ngei cang nain, – Salai Kawltu

Kum 25 a tling cangmi Sui Sui i phuannak: Nihin tiangah tlangval pa 3 ka ngei cang nain,

A hmasa in Sui Sui tiah kan tar mi min hi min ttuh asi ti kha vun langhter hmasa kan duh. 

Nungak pakhat nih a nun caan hmanning kong cu lungfak ngaiin a chim. A timi cu, nungak muichia zong ka si lem lo, pumrua dingdong zongah aa zami a ka si, fim cawnnak lei zongah keimah pawcawmnak a nei khomi ka si ko. Zeiruangah dah a ka dawtu tak tak hi nihin tiangah an um khawh hnga lo? Tlangval pakhat ka nei, lungdiriam tein kan tlawng leng ti. Caan zeimawzat hnu ah a ka hlen diam ko. Cu hnu ah a dang pakhat ka nei rih. Ka tlangvalpa cu khuadang ah riantuan dingin aa thial. Cu aa thial hnu paoh cu pehtlaihnak a ka tuah duh ti lo. A tu hi tlangval pakhat he kan i duh lio a si.

Cu zong cu a hramthawk ah cun a ka duh tuk ko rua ka ti i, kaa lungsi ngai ngai. Nain nai hrawng cun keimah he biakchonh a zuam ti lo. SMS ka kuat zongah a ka let ti lo. Ka khuaruah a har ko, zeitindah a si i, dawtu tak tak hi ka hmuh khawh hnga lo tiah a lungretheihnak a chim. Cu ah cun a hawinu Ms. Rachana nih lehnak a tuahmi cu, na chimmi vialte hi nu dirhmun dinak in ka theihthiam dih. Zeitlukin dah lungretheih in na um lai ti zong na intuar ning ka theihthiam dih.

Hi hi ruahnak pek kan duhmi a si. Tlangval 3 na ngei cang i, an dihlak in a hnu ah cun an in then than. Hi hi philh hlah, tlangval nih an duhbikmi cu a pakhatnak ah nungak fel, duh paoh in tuah khawhlomi, tlangval nih dih tik caan paoh ah muaitam khawhmi hi an duh tak tak hna lo. Caan khatte chung cu an duh ngai hna nain pa nih hin cubantuk nu cu chanchung nupi ca le biatak chimhtlak ah an ruat hna lo.

Cu caah na tonmi thil hna cu hmailei na nun an cawnpiaktu le dawtu tak tak an ngeihtertu a si khawhnak lai philh ti hlah tiah a ti. Cu ah cun nungaknu cu a lungfim, a timi cu, ka tlangval hna cu ka duh ve hna, an ka duh ve caah kan duhning paoh in kan tlawnglengti ko hna cu tiah a ti. Nu nih na thianhlimnak kha rak veng law tlangval na ngeih hmasabik mi kha nangmah an dawtu tak tak a rak si ko hnga tiah a hawinu nih a caawnpiak. TOI

Leave a Reply

Your email address will not be published. Required fields are marked *