Lai Nungak Muidawh Anna Zing Nih Laipa le Ramdang Kong i A Chimmi Cu A Hman Tak Tak, Laipa Hi Cu

A tanglei hi biahalnak le bialehnak asi i, CBN he ton biaruahnak an ngeihnak i a chimmi hna an si.

1.Hmailei na tinhmi na saduhthah na kan chim Kho hnga maw?

Hmailei ca I kaa tinh mi le ka saduhthah cu, fimnak a cawnglio mi, a tthangcuahmah lio mi le fimnak cawn ding ah tihaal in a haal cuahmah mi hngakchia pawl hna hi ka si khawh chung in fimnak cawnpiak le lamding an zulhkhawhnak hnga nun chimh le hmuhsak hi si. Kan ram le miphun a tthanchonak hnga ding caah a biapi bik pakhat cufimnak cawn hi a si bantuk in, hi ngakchia pawl lam ding an zulhnak hnga lam hmuhsak hi ka saduhthah a si.

2. Pasal thim ding ah miphun/ Biaknak dang thitkong ah na hmuh ning?

A si khawh ahcun mah miphun, Pathian a thei mite tthit le vaat cu a tthabik ko tiah ka ruah. A si nain, miphun dang an va si zong ah duh-dawtu taktak an si ahcun a poi tuk ah ka chia lo.

3. US ah Chinmi kan tlaute lai tiah na ruat maw?

Atutiang ah hincun Chin Community upa hruainak le tlangtlaaknak in Chin/Laimi kantlau lo nak hnga tiah heh tiah ttanlak in an kan cawlcangh pi rih ko caah thinphaan awk cu um in ka ruat lo. Kum 2 voikhat CYO le CBC-USA Civuipi kan ngeih tawn mi hrim nih hin kan Chinmi mino a kan funtom ko caah tlaunak ding hi cu thinphan um tuk lo tiah ka ruah.

4. US Chin mino nih Laiholh ah mirang holh kan cawh deuh tawnmi kong ah na hmuh ning?

Kan laiholh hi a tlintuk lo caah a caan ahcun biafang hman ding aa laklawhnak um tawn. Mah bantuk caan I mirang holh kan telh pah cu a poi ka ti lo. A sinain, lai biafang le lai holh in kan theih ko bu I mirang holh kan telh/hmantuk hi kan i sum deuh a hau tiah ka ruah.

5. Pasal caah na uar phun?

Zeithil a tuah paoh ah Pathian aa bochan I ka chungkhar cung zong ah dawtnak a ngeimi hi pasal ca cun ka uarphun an si. A lungsau mi le theihthiamnak a ngeimi cu bonus ta…hehe

6. Laipa le ramdang pa an an I thleidannak phun 2 veve in? Na hmuhning.

Laipa pawl cu velhle an ngei lo. An dawt mi hna cung ah an thinlungsau I an I biatak. Ramdang pa pawl cu an ruahnak a kau. Asinain, nu lei ahcun mitparan ngei deuh tiah ka hmuh.

Source: Chin Broadcastin Network (CBN)

Leave a Reply

Your email address will not be published. Required fields are marked *