Laimi kan hni puan aih mi zoh tuah. Chantiluan nih kan phun a tlau ter sual lai i ralring.

Minung hi hnipuan loin a nung thiam dingmi kan si hna loh i hnipuan hi kan caah a herh tukmi lakah ai tel vemi a si.Sinain zei paoh hi a zatawk a um i ri leng lawnh ahcun zei paoh hi minung caah a chia an si kho.Cu caah zoh chunh tlak vawlei cung mifim hna nih hnipuan kong ah an hmuh ning cio an chimmi bia hi rel in thazaang i lak ve hna uh sih…

1.Mark Zuckerberg
Facebook a dirhtu Mark hi 2014 kum lio ah interview an rak tuah i hnipuan kong ah bia an rak hal.” Ka nun chung ah hin hna thiang tein um ka duh.Hnipuan kong ah zei dah kai hruk-eih lai tiin i ruat nak ah caan dih ter hi ka duh loh.” tiah a rak leh hna.T-shirt a uar phun 1 cu zun tampi in ai cawk cia i nitin in hnipuan kong ah buai hau loin ai hruk-eih peng hna.

2.Barack Obama
US president hlun Obama hi US president a rak si lio ah hnipuan kong he pehtlai in Vanity Fair magazine interview a tuah i,”Gray(meikhu color) le Blue(van hring color) suit he ka um a tam deuh cu nan ka hmuh bantuk hin a si. Ei-din kong ah le hnipuan kong ah caan dih in i ruat i biachahnak tuah hi ka duh loh.Biachahnak tuah dingmi a dang a biapimi an tam tuk.” tiah a rak leh hna.

3.Steve Jobs
Apple a dirhtu Steve Jobs hi mi hmai bia a nun chung mi hmai bia a chim caan,leng ah a chuah-vah caan paoh ah a dummi bansau angki le jean tawhrolh he a um peng.A tawhrolh hi a color a tla dih tiang ai hrolh hna.”Ka chan chung i hruk-eih ding hnipuan ka ngei cang ko hna,cawk chap a hau ti loh” tiah a rak chim.A chim duhmi cu hnipuan nakin buai pi awk a dang tampi an um ti kha a si.

4.Dean Kamen
Segway timi electric ke a a ngeimi i cuan khawh a simi seh a sertu company a dirhtu a si.”Ka rian ttuannak hnipuan(Jean shirt le Jean pant) hi a zungzal nacha in kai hruk-eih nan ka hmuh lai.Ka ih lo i ka hlau chung paoh hi cu ka rian ttuan caan a si ko” tiah a rak chim bal.

5.Christopher Nolan
Batman:The Dark Knight Triology,Intersteller,Inception le Dunkirk timi vawlei cung min thang movie hna i an director a si.2014 kum ah khan New York Times magazine nih interview a rak tuah,”Nitin leng chuah lai, rian ttuan lai le pakhat khat ah kal lai ah zei dah kai hruk-eih lai tiin ruah i caan dihter hi a herh lomi caan dihter a si” tiah a rak leh hna.

6.Albert Einstein
Hitler nih thah a rak timh caah US ah refugee dirhmun in a rak zammi scientist vialte lak ah pa bik a simi Einstein hi 1933 kum thawk in Gray(meikhu color)suit lawng te ai hruk-eih peng.”Hna thiang(simple) tein nung i hawi hleiin khua ruah le tuaktan nun hi ka duh cem ko,a ttha cem ko” tiah a rak chim.
Kha vial kha an chimmi cu a si i na cohlang piak khawh hna le na cohlang piak khawh hna lo kha cu nangmah nawl a si cang…

Leave a Reply

Your email address will not be published. Required fields are marked *