Laimi Le Laimi Karlak Ah Hi Biaka leh Bawia Nih An Tuahmi Hi Fihnung Bak Mi Asi

Hihi Capo sawh sawh asi. Zeihmanh a tak tak a um lo.

Biaka cu Ram vah huammi asi i, nikhat cu ram ah a vak i, Pa (mushroom) cu tampi a hmuh i, ei khawh asi le si lo a theih loh buin tampi a lak chih.

A lawi leiah, zeitindah ei khawh mi asi le si lo ka theih lai tiah khua a ruat i, “Ka innpa hna hi a cheu ka pek ve hna lai i, nithum hrawng ka hngah lai i, zeiti hmanh i an um lo ahcun, ka ei ve lai” tiah khua a khang.

Inn a phak bakin, an innpa cu a cheu cu a pek ve hna i, a dang cu frit(fridge) ah a chiah diam.

Nithum bak a liam cang, an innpa hna cu a rak bih lengmang ko, asinain zeitihmanh i an um lo tikah, nili nak zinglei ah an i meh ve cang. Thaw zong an ti tuk an chungkhar tein. Tampi an ei hna. A eikhim ahcun an innpa hna in ahcun a va leng hna i;

Biaka: Bawia, Pa (Mushroom) meh kan pek mi hna kha a thaw nan timaw? Kan nih cu tuzing te lawng kha kan i meh le a thaw tak tak, rawl hna ka chungle cu tam tak an ei.

Bawia: Aw mah Pa meh kha maw? Kawi, ei khawh mi asi le si lo kan thei lo le aw, ei lo in kan rak chiah tawp ko. Mah cu ti tuzing nan i meh i, zeiti hmanh i nan um lo ahcun ei ve ding asi. Na chim ning ah le thawt dawh ngai asi hoi. Tu zanlei meh ah tuah ve ding asi. Ee cun kai lom tuk mu kawi.

Biaka a tap cang!!!

Hihi capo sawh sawh asi oke?

Leave a Reply

Your email address will not be published. Required fields are marked *