Lainu pawl message nan kuat mi i ralring bak uh. Ai chuahsual citcet bak ko.

Tu chan ahcun mino hna nih uarnak kong he pehtlai in message kuat hi an hmang ngaimi a si. Pakhatnu cu a duhtuk a langhter nak ah seksi taktak i hman aa thlak mi pawl cu a kuat i pa nih midang sinah a kuat i a mual a pho cikcek na message kuat mi ah na ralring bak a ahau. Message hi thinlung chung feeling a langhter kho ngaimi a si. Na uarmi minung nih na message a replay dan zoh in an uar le uar lo cu theih khawh a si i an uar loh timi theih khawh dan cu a tutan ah hin kan van langhter hna. Message paoh hi suallam an ngei i a zawnzam zoh thiam lo ahcun a si kho lomi le an uar lomi minung kha helh chih peng sualnak a si.

Zeitin dah na uarmi nih an uar ve loh timi cu a message zoh in theih khawh a si timi cu phun 5 in kan van langhter hna. A pakhatnak ah cafang tawi tete lawng in na message cu an reply zungzal lai. “Hmm” “Si maw?” “aww” ti bantuk in an leh zungzal lai. Zei tluk in na uarnak kong le a caah na nunnak tiang na siangnak kong na kuat zong ah a min men men tein an reply lai. Cu nih a langhtermi cu na uarnak kha a cohlang duh loh tinak a si.

A pahnihnak ah na message pehzulh khawh lo ding in an reply zungzal lai. Bia dong zawk zawk ding in na halmi te lawng an leh lai i na caah bia pehzulh ding a har cang. A pathumnak ah na message an leh tinte zei tik hmanh ah emoji a telh chih loh. Capo na sai piak zong ah smiling emoji a telh lai loh. Emoji a um lo cun message hi a nung kho ti loh.

Uarnak tel lo cun emoji telh hi a har ngaimi a si i na dawtnak kha pehter an duh ti loh tinak zong a si. A panganak ah teinak le promotion pakhat khat na hmuhmi kong kha message in na kuat tikah an lawmhpi lem lai loh. A hlan an leh ning tein an leh ko lai. Nang nih cun a lung i lawm seh tiah na kuatmi na message kha a caah cun zei pipa a makmi a si loh.

Leave a Reply

Your email address will not be published. Required fields are marked *