Love Song cu sehtan hriamnam tthinung taktak mi asi. Zeitin dah nan ruah cio? – Salai Kawltu

Love Song cu sehtan hriamnam tthinung taktak mi asi. Zeitin dah nan ruah cio?

Love Song atlaihchan tukmi, Love Song angai pengmi zumtu cu zeitikhmanh ah anun a thang kho bal lai lo. Love Song asa pengmi zumtu cu zeitikhmanh ah anun a rocar peng lai. Zeicatiah zumtu pakhat, Pathian dawtnak a thei cangmi nih vawlei titsa nih atlaihchanmi le aduhmi thil a tuah i aruat peng caah a si. Zumtu/hrinthannak a co cangmi caah Love Song sak hi sualtuah phunkhat asi. Zeitindah hla sak cu sual tuah phunkhat cu a si khawh lai tiah na ti kho men. Kan philhlo awk a simi cu Love Song timi aa thawknak hrim hrim hi a dik ti lo.

Taksa in ngaihchiatnak ruangah, nungak tlangval karlakah thennak a chuah ruangah maw, nu le pa nih khenkham ruangah maw, thihnak nih athen ruangah maw a si ton. Cu nih afiantermi cu Love Song cu taksa/vawlei lei thil he aa pehtlaimi HLA a si. Bible nih Vawlei tiah a chim lengmang mi hi minung/sualnak a ti duhnak asi. Cu caah Pathian nih vawlei hi a dawt hringhran caah afapa ngeihchun te kha apek a ti. Cu lawng a silo, vawlei he ihawikom hlah u tiah a ti.

Cun vawlei nih a chuahpimi cu ngaihchiatnak lawngte a si ati. Nihin ah Love Song sak hi a poinak a um lo tiah a timi tampi an um. Cu cu Love Song aa thawhkehnak an ruatlo caah a si. Pathian hla cu Pathian dawtnak chungin achuakmi a si caah a satu nih a sak tikah le a ngaitu nih angaih tikah Bawipa dawtnak kha an ruat i, mitthli he an um hna.

Cu ve bantuk in Love Song zong cu asatu nih a sak tikah le angaitu nih a ngaih tikah hnulei liamcia caan kha an ruat i an ngaihchia, an lungfak i mitthli he an um ve. Adonghnak cun mah le mah nunnak ilak tiang an phan. Cu caah Love Song sak cu zumtu a simi nih cun hrial bak ding a si. Zeicatiah Setan hriamnam tha tak tak, mi thinlung le nunnak cu fei bantukin tleng lakin a chun khotu asi. Cu caah Love song na sak tik caan paoh ah na philhlo dingmi cu Setan nih ahriamnam ah a ka hman ti hi philh hlah.

Leave a Reply

Your email address will not be published. Required fields are marked *