Mah le hmur bantuk cio kan zoh hna lai. Kan sining fiang taktak bakin a langhter. Laimi tam u hi cu B le C bantuk deuh lawngte kan si i, Kan ziaza he aa lo taktak rak i zoh cio ve hnik uh. – Salai Kawltu

Mah le hmur bantuk cio kan zoh hna lai. Kan sining fiang taktak bakin a langhter. Laimi tam u hi cu B le C bantuk deuh lawngte kan si i, Kan ziaza he aa lo taktak rak i zoh cio ve hnik uh.

Minung dawhnak aa dang cio, duhmi phun zong aa dang cio. Muidawh timi hna hi an i dawh ning le duh an nun ning an i dang cio hna. Tutan ah langhter kan duhmi cu, muidawh zong nih an ngeihmi, dawhlo zong nih an ngeihmi hmur a si. Hmursensi thuhnak hmur khi a si lai. Hmur hi pungsan dang dang an um hna. Achah, apan, le alai vuang an si. Cun, a cheu cu cunglei hmur pan ngai tung i tanglei chah ngaimi hna an um. Cu hna nih zeidah minung lungput a langhter timi kan zoh cang hna lai. Cu nih cun, nupi pasal kawlnak zongah bawmchantu tha a si lai dah.

A. Hmur apan mi hi tha tein zoh hna law, anhmur a pan bantukin bia an duh i an hmursau. Cun, hmur panmi hna minung hi an ralchia tiah an ti. An hak kau i hnahchuah an hmang. Hmur panmi hna hi mi tuanrang, a thekvak a thami an si caah tuan kawlnak leiah an an khulrang tiah an ti. An hmuhmi chawva kongah semsikhah tak takin a ummi an si caah chawva khon an thiam ngai ngai. Cathiam an tami miphe an tam ve.

B. Hmurchahmi nu hi mi nunnem an si, mi lungnem an si. Amahbel hmurchah mi minung hi an lungkhong tuk tiah an ti. Cun, hmurchahmi hna hi an daithlang i mi hna ngammi an si. Mi nun siang an si. Chungkhar a dawmi an si i, cingla rualchan caah zumtlak le tlaihchanmi an si hna tiah an ti. Hmurchahmi hna minung hi fim cawnnak leiah an thluak a tli tuk lo nain bawi tuanmi/ cozah tiantuanmi an tam. A hmanmi kongah thih ngamhmi an si.

C. Hmur chahlo panlo laiva minung hi a tam deuh cu muidawh an tam tiah an ti. Cun mi cungah an lungput a tha i midang cung ziar an ngei tuk lo. Mi duhningin nun an thiam i dawtnak an ngei. Mi hakkau an si lo, an thluak a tha i thil hman a dirpimi an si. Amahbel hibantuk minung hi aa uah bakmi an si tiah an ti hna.

D. Hmur tanglei achahmi hna minung hi ruah lengin iang an ngei tiah an ti. Anmah bantuk hi hmurka lei an thiam ruangah midang he hawikom ser an i fawi te. Mitha an tam ngai lio ah hibantuk hmur tanglei chahmi hi anmah nun lila aa uk kholomi an tam. Cun, anmah nun hrimah mi thleidannak timi a lian ngai ngai. An duhlomi thil a um ah cun ek hmanhah mi an rel hna lo tiah an ti. Phaisa an hmuhmi nakin tam deuh hmang a duh mi an si an ti.

Leave a Reply

Your email address will not be published. Required fields are marked *