Malaysia Laimi Lawng Thutdenh Cheh An Hmang Lo, Mizo Pawl Zong Ceilak An Chep Ve

Tu zan ah khan Mizoram ah, LPS Profight title fight ngeih a si i, NT Lalbiakkima cu a vawi 5 naak ding caah a champion hoi. Mah hnu ah hin midang an i phomh lio ah buainak a chuak i, hi buainak a chuahnak a ruang cu Judges nih a tei tu an phuan tikah, khuate boxer cu an sunghter caah a si.

Mipi tampi le khuate boxer tanhtu pawl nihcun khuate boxer nih fiangte in a tei ti kan hmuh dih ziah nan sunghter tiah bottle hna cu ring chungah an hlonh hna i, mah cucu buainak a chuahnak a ruang cu a si. Hi buainak a chuah ruangah hin live zong donghter a si i, mipi tampi an thinhung tak tak.

LPS Profight hi kum kip in a fair lo khawh ning tiah mipi nih an soisel tawn mi hna an si. Tu tan ahcun mipi an i sum kho ti loh i mah ti hin an umnak a ruang zong a si ve.  Mi cheu khat cu Teinak a co ko mi sungh pek an si tawn , a poi tak tak. Lentecelhnak ah hin cun lungthin thiang tein ttanh bik ngei loin um hna sehlaw hi bantuk buainak hna hi a chuak hnga loh tiah ruahnak ka ngei. Video hi rak zoh ve.

Credit : Lai Pa

Mah Capar Zong hi rak rel ve :

Pathian bia in. Thazaang lați hna usih. Dawtmi zumtu nulepa u lenau nan umnak cio ah. Bawipa nih. Thluachuah an pe ko hna seh!!

Salm 84:10 Na biakinn chungah ni khat um cu hmun dang i ni thong khat um nakin a ṭha deuh. Miṭhalo mi hna inn chung i um nakcun ka Pathian inn kutka hram dir hmanh ka duh deuh.

Voitampi hi khua ka ruat tawn.nan si cio ma si cio lo dik. Minung nih.kanmah le sining cio tein. Pathian kan thangțhat tikah. Kan i lung si maw kan di a riam maw tihi keimah tein biahalnak kai tuah tawn. A ruang cu. Thawngțha chimtu nih. Thawngțha an kan chimh tikah. Suimilam pakhat hmanh an chim lo nain a sautuk tiah kan ti tawnmi le ngaih kan zuam tawnlo mi nih. Pathian kan thangțhat kan ti ko bu ah.kan di a riamh lonak le kan i lung si lonak a langhter tawn ko rua ka ti. Suimilam a cheu hrawngah cun. Kan mithmai a panh ti lo. tikah. Thawngțha chimtu nih. An lung duh tiang chim lem loin an ngol caan zong a tam ko lai dah tiah ka ruat tawn.

Amak ko. Video silo le.zeidang nuamhnak zoh tu ah cun. Suimilam pathum tluk a sau zongah a sautukin kan theilo a dih a rang tuk zeikarah adih manh kan ti tawn.kan duh kan uarmi asi hawihna cun.chun nitlak hmanh kan zoh huam ko lai.cutluk cun. Minung kan thinlungput a kalning asi. Micheu pum caan zarhpi ni tibantuk zongah. Kan dam ko kan i manh ngaiko nain pumhnak i kalnakin nuamhnak i kal a hmangmi kan um fawn. silo le inn ah um i.thathut in ka zuam lo tiphun in um a hmangmi kan tampi hoi hna.

Hihi Pathian kan thangțhatnak ah kan i țhinh le kan i remh ngaingai ahau rua ka ti. A cung i cathiang chungah kan hmuh bantukin. Na biakinn chungah ni khat um cu hmun dang i ni thong khat um nakin a țha deuh. Ati bantukin. Hmun dang nakin. Khuaika pumhnak le biakinn i um cu kan i thim deuh awk le kan duh deuh awk kan i lung si deuh awk kan duh deuh awk asi tihi asi.

Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh (Rom 8:28). Pathian nih kan duhmi si lem loin kan caah a biapi tukmi kan hngalh khawhlo mi kan herhning cio in. Thluachuah a kan pek tawn.

A caan ah cun kan tuahmi thil hna hi sullam an ngei rua lo, tiah khua kan ruah ko lai. A phu rua lo ee, tiah kan ti caan a um ko lai. Pathian caah rian kan tuanmi vialte hna hi “a phu maw?” tiah kanmah le kanmah bia kan I hal caan a um ko lai.Pathian caah rian kan tuanmi; na tha batmi, na caan pekmi. na thlacammi, na thangthatmi, na chawva na pekmi, dawtnak mi cungah na langhtermi, țhatnak le zaangfahnak mi cungah na langhtermi, biakinn na kal lengmang mi le a dangdang vialte hna hi “A Phu Ko” ti hi na theih dingah Pathian duhnak a si.

Pathian Bia nih, “Pathian nih hin, amah a dawmi hna caah le amah nih aa tinhmi ningin a kawhmi hna caah cun, zeizong vialte hi a ṭha lei ah a serpiak ko hna ti kha kan hngalh,” (Rom 8:28) a kan ti.Cun, “Bawipa nih nan ṭuan man an pek hna lai kha philh hlah u; a mi ca i a chiahmi laksawng kha an pek hna lai. A rian nan ṭuanmi Bawi taktak cu Khrih kha a si,” ati țhatnak hmete kan tuahmi hmanh hi. Pathian nih a kan philh piak lo ti kha fiang tein kan hngalh a herh.(Kolose 3:24) nan dihlak. Bawipa nih thluachuah an pe ko hna seh!!!

Leave a Reply

Your email address will not be published. Required fields are marked *