Mimak khuaruah hark an t ilia maw Nupi 15 ngei in atu ah fa 107 an ngei lio fa ngeih peng atim rih, Solomon Siangpahrang hnu zulh atim fawn,

Mimak khuaruah hark an t ilia maw Nupi 15 ngei in atu ah fa 107 an ngei lio fa ngeih peng atim rih, Solomon Siangpahrang hnu zulh atim fawn,

African ram chung ah pa pakhat nih nupi 15 ngeih cang in, atu ah hin fa 107 an ngeih cang lio asi, adang zong ngeih peng rih tim asi, Solomon Siangpahrang bantuk in nupi le fa tampi ngei ve aduh kong achim tiah theih asi, an nupi le afa hna hi an dih lak in lungrual te in khua an sa khawh pin ah, iremh tein an um khawh khi khuaruah harnak pakhat cu asi ve, amah hi kum 61 asi ko cang hmanh ah, nupi dang le fanau tampi ngei aduhrih tiah an ti, an zohkhen ning zong an thiam ngai ngai ruang ah mi tampi nih arak ngaihven ngai ngai tiah theih asi.

Kenya thlang lei khuate pakhat ah um mi, David Sokayo Kaluhana nih hin Solomon-Siangpahrang ti ning cawn ve in, atu bantuk nupi tampi angeihnak cha nasi tiah report nih alanghter mi asi, Solomon Siangpahrang nih nupi taktak 700 le hmei 300 ngeitu ti dan le umtu dan le kal dan a pawmpi ngai ngai tiah chim in, atu zong ah hin achimchih nak ah nupi dang le fa tampi ngei atim rih kong cu, atu bantuk in media sin ah arak chim mi kha asi.

Solomon Siangpahrang bantuk kasi tiah chim in, nupi dang ngeih than ding ah hin atu zong ah ka kawl lio tiin achim fawn, Nu pakhat ca long ah ka taksa hman dih hi cu ka duh ning asi lo, atu ah hin nupi 20 tiang ngeih than ding ah timtuah nak ka ngei cuah mah lio asi, mah zatzat nupi na ngei mi hi zeitin dah nan zoh khawh? Iremh lonak tete hna an ngei lo maw? Tiin media pakhat nih ahal nak cu, An buai bal lo, lungrual tein an um khawh ko Pathian thluachuah asi tiin a leh mi asi.

A nupi pakhat asi mi Jessica nih cun, “Nupi dang arak hruai zong ah hin kan thin ahung bal lo tiah, a pasal kong achimchih nak cu Mipa, mah mawhphurhnak le tuah ding mi hi a thlahdah bal lo tlam atlingter peng tawn khi asi, a ruahnak hi ahmang ngai ngai tawn, thil hi atuah sawh sawh bal lo tiin, a pasal kong cu atu bantuk in dawh te in achim khi asi, An pahnih hi 1998 ah khan nupi/pasal siding in an ithit mi asi.