Na Nu Nih An Thimpiakmi Nupi

Ka fa na nu nih na nupi hrang ah kan duhpiak mi cu…..

Zungzal na nupi hrang ah ka fa tawttawk ttha le hnuk ttha le muidawh ah na lungre theih hlah. Lungthin le thluak lei a lianhfat tu ah buai. Nu i dawtnak le inkhawhnak tuah buai. Kum 5, kum 10 a rauh hnu ah cun a hnuk le a ttawk hna cu an i thleng viar te ko la.

Na nu hi ka zoh ca ka hnu pheng derhdorh le ka ttawk pheng derhdorh lawng ka si ko nain na pa he a tu tiang kan i duh kan daw peng ko. Phaisa a duh mi nu hna kha i ralring hna. Cu bantuk nu hna cu zeitik caan paoh ah an sam, thilthuam, keden, phaisa bawm, bawbi chungnawh le an i ttamhmawih lawng ah an buai peng ko la.

Mah cu thil hna ai tello zong ah ai nuam kho mi hna lawng chungkhar tling a si kho. Dawtnak a umlo nak ah cun chungkhar a nuam in a dir kho lo. Na pa nih a ka tthir lio ah inn le lo kan rak ngei lo. Fimthiamnak a ngeimi zong ka rak si lo. Asinain chunmang tu ka ngei( tinhmi). Mah cun kan chungmang cu kan ruat le a tlinkhawhnak ding ah kan i bawm.

Na chungmang zei i a rel lo dingmi nu hna cu a ruah zong ruah lo ding. Nang mah nak in na chungmang tinhmi an ruahpiak kho tuding, an bawmkho tu ding le a hmuthiam tu ding nu tu kha hawl le hmuh khawh i zuam ka fa.

Ref:Jee Htu Khah

Leave a Reply

Your email address will not be published. Required fields are marked *