Naomi Par Tha Sung nih Dawtnak Kong a Tialmi

Dawtnak Tlamtling

Kan dawt hna bantukin an kan daw ve lo kan ti tawnmi hi rak kan daw hna seh ti ruahchannak he kan rak dawt hna caah a si. Kan pek hna zat in an kan pe ve lo kan ti tawnmi hi rak kan pe ve hna seh ti ruahchannak he kan rak pek hna caah a si.

An cung i kan that bantukin kan cungah an tha ve loh kan ti tawnmi hi kan cungah tha hna seh ti ruahchannak he kan rak that caah a si.

Dawtnak taktak nih cun ka hmuh than lai ti ruahchannak a ngei bal lo,ruahchannak zeihmanh ngei lo tein mi cungah thatnak atuahmi hna le dawtnak a ngeimi hna cu zeitik hmanh ah mi cungah an lungthin a faak bal lo .ūüíĚ

Note: Hi Ca hi Kan Chin Gospel singer Naomi Par Tha Sung nih October 25 i a facebook timeline ah zapi zoh awk i a langhtermi a si. Thazaang tampi na lak lai tiah ruahchannak nganpi ka ngei.

Hi hmanthlak pawl hi a tak tak a si le si lo ka chim kho lo. Website nih vawleicung i tih a nungbikmi mithla le khuachia i langhnak hmanthlak tiah tlangtaar a bunhmi chungin ka lakmi hna an si. Ka zoh in ka tih ngai ve. Hmantlak ka zoh, tlawmpal ah a kong ka van rel i ka lau ngai ngai. Vawleicung hi thiamnak a san tuk cang bantuk in hmanthlak ttamhmoih le edit thiammi zong thah cawk lo an si. Asinain cucu kan chim duhmi a si lo. Khuachia hi an um tak tak maw um tak tak lo ti belte fiang ko in chim khawh a si ve. Bible ca nih khuachia hi an um tiah a ti ko. Cucaah zeidang dang chim loin a tanglei mithla le khuachia hmanthlak tihnungbik timi pawl hi van zoh hnik tuah.

A tak tak ah mithla le khuachia an um tak tak maw um lo timi belte comment nak ah rak langhter te.

Relnuam capar hi relchap.

Mithla le Khuachia Hmanthlak Tihnung Bik Pawl

Hi hmanthlak a cung i langmi hi Oak Grove, Kentucky, USA i lakmi a si. Ralkap pa nih cun a nupi dawt le a fa cu a rak thah hna. Ralkap pa nih hin a nupi le a fa cu a thah caah a nupi thla cu khi hlei (bridge) ah khin zan ah a van tawn ti a si. A nupi nih thah a sinak a ruang theih duh ah ti khin a thla cu a vak peng tawn. A nupi cu zaangfak tein. A thla cu tih a nung bak fawn. Ti khin a nupi thla cu a ruang  (reason) theih duh in a vak peng. A thla a tang peng. 

 

 

Hi hmanthlak khi duh a nung tak takmi hmanthlak a si. Sianginn i sianghngakchia pawl cu tha tho tak tak in hman an i thla. Asinain hmanthlak i aa tel bak lomi pakhat cu a rak um ziar. A mui hmanh tha tein a langhter lo. Sam sau ngai in a rak dir ve. A hnu i hmanthlak an zoh tthan tikah an lau tak tak.

A cung i hmanthlak hi tthitumnak i hmanthlatu (Wedding Photographer) nih cun a Camera cu Lo a hlun ngai cangmi hoih cun a tha lai maw tha lo tiah a TEST. Hi hman a thlaknak hmun hi tthitumnak tuahnak ding hmunhma a si. Thitumnak i hmanthlatu (Wedding Photographer) nih cun a Camera a TEST lio ahcun hngakchia te nih a rak zoh ziar ko. Hi hmun le a pawngkam i ummi hna cu a konglam a van hal hna tikah Hi ka hmunhma ah hin hngakchia pa thla cu zaan ihnak angki he a thla a vak tawn ti cu thitumnak i hmanthlatu (Wedding Photographer) cu an chimh.

Computer cu off a si ko nain computer hmai ah zeidek a lang. Minung lu  bantuk a zuangmi a lang. Hi hmanthlak kong ah mi tampi an khuaruah a har lio ah an nu nih cun a thi cangmi kan pa thla a si tiah a phuan ko,

 

Terry Ike Clanton hi baisikup tlangval (Actor) a si. Voidang bantuk in hman aa thla tawn ko nain a backgound ah zeidek a rak lang. Lukhuh aa khuhmi bantuk cu a rak dir ziar. 

 

Chicago inn thar i aa thial mi chungkhar hna cu lunglawm tak tak in an inn thar lawmhnak ding caah Pa bik nih an nufa hna cu hman a thlak hna. Asinain hmanthlak lio i a umbak lomi cu hmanthlak ah aa tel ziar ko.

Hngakchia nute cu a Pa nih an inn i lente aa celh lio cu hman a thlak. Asinain khuachia bantuk i a lawnmi cu a lang chih ve. Hi khuachia bantuk i ttuang i a lawnmi hi hngakchia nute zong nih a hmuh rua. A thi cangmi hngakchia nute a nu thla a si hnga ma tiah ruahnak tiang a chuak.

Hi hna nuva hi an thi cang. Hi hmanthlak hi thlak  a si lio ahhin minung bantuk thla bantuk cu a rak lang ziar ve. Tlawmpal ah hi hna nuva hi an thi ve.

 

Hawikom rual minung 3 hna cu lunglawm tak tak hman an i thla. Hmanthlak hi an phone i an lakmi a si. Asinain hmanthlak i na hmuh bantuk khin aa tel baklomi zong a rak i tel ziar. Tih a nung kho ve si.

 

Hi hawikom tha hna cu khuachung ah zan an vak i an i nuam ngai. Zan an vah lio ahcun zan a vakmi minung pakhat cu an phone in hman kan thla ta tiah an fial. Asinain inn an ttin tik i an phone i hmanthlak an van zoh tak tak cu an lau ko. 

 

India khuate Pa cu an inn hmai ah hman aa thla. Asinain an inn ahcun ho dek a rak um ziar ve. Thlalaangawng (Window) ah aho dek a Jacket aa hrukmi nih a rak zoh ziar. 

A tak tak ah mithla le khuachia an um tak tak maw um lo timi comment nak ah rak langhter tuah ca.

Source: Creepy Noih

Mitthi Ruak Tongthamtu Pa (Funeral Service Manager) nih a Riantuannak Kong a Phuan

Mitthi ruak pawl a fimtawltu pa Funeral Service Manager nih a riantuannak kong a phuan. Mithi lak i rianttuan hi a fawi hrim lai lo. Vawleicung rian vialte lakah a nuam lo bikmi rian cu a si men lai. Mithi pawl fimtawlnak i rianttuan hi rian har le thaba tuk cu a si lo. Asinain zapi nih an ttuan ngam lomi rian a si. Hi rian hi a hlawh a ttha ngai ngai. US ram lawng siloin vawleicung ram kip ah Funeral Service Manager hna hi tangka tampi an hlawh. US ram ah Funeral Service manager nih kum khat ah $ 73,830 bak a hmuh ti a si.

Tuchan ahcun thih zong hi a ruak kuang le ruak vuinak i dihmi tangka (expense) pawl tuak tikah thih hmanh hi a fawi lo. Mithi ruak pawl fimtawl rian a tuantu Funeral Service Manager nih a hmuhtonmi a phuanmi hi ttih a nung hrinhran ko. Nang le kei caah cun hi rian hi tangka tampi pek zong in tuan ngam ding a si lo.

Funeral Service Manager pa nih tadinca le website ah a riantuannak i a hmuhtonmi cu a phuanmi cu a tanglei pawl hi an si.

1.Mitthi hi kan palh theu tawn.

Funeral Service manager pa nih a chimmi cu.. Mitthi ruak cu  mitthi kuang i kan chiah ah hin mitthi dang pawl hi kan i palh theu tawn. Mithi ruak chiahnak ah mithi tampi an um ve tikah voi tampi kan i palh. A silomi pa ruak cu a si lonak ruak kuang ah kan chiah sual tawn tiah a ti.

2.Mitthi khi amah a si tak maw eh? timi biahalnak.

Mitthi chungle nih mitthi kuang i a ummi cu an chung a si tak maw si lo biahalnak zong an ngei tawn. Mitthi chunglei cheukhat hi lungfim lomi hna an lo. Bia phunphun chim an hmang.

 3.Mitthi ruak cu an Mitcuar le an Kaa cu kan phih tawn.

Mitthi cu a mitcuar le a kaa cu tha tein kan phih tawn. Ruak vuinak hmun ah a Kaa (mouth)  aa an nak hnga lo.. a kaa le an mitcuar tiang kan phih tawn hna. Mithi tongh hi kan rian a si bantuk in zeipipa ah kan ruat lo.

4.Mitthi ruak cu an mitcuar le an Kaa cu kan phih ah hin a caan ahcun kan ttih tawn ve ko.

Mitthi  cu an mitcuar le an kaa kan philh lio ah hin ttih caan kan ngei ve ko. Minung kan si bantukin kuamachel ahcun ttihnak kan ngei caan a um ve ko. Mitthi hi an dihlak in an i khah dih lo tikah kan tonghtham ning zong aa dang  tawn. A cheu accident ruang i a thimi le a cheu zawtnak tihnung i a thimi hna zong an um tawn.

5.Mitthi Ruak fimtawlnak i rianttuantu cheukhat hna cu dawhcahlo biahalnak tiang an tong tawn.

Mithi ruak fimtawlnak i rianttuantu cheukhat hna cu mithi he nupasinak an hmang maw tibantuk biahalnak hna an ton caan a um. Minung hi an i khah dih lo tikah hibantuk biahalnak a tongmi zong an um.

6.Mithi Ruak Fimtawlnak i Rianttuantu pawl Capo kan chimmi.

Kan rian hi mitthi tongh le mitthi fimtawl a si bantuk mi tampi caah cun ttih a nung ngaimi rian cu a si ko. Asinain nichiar te kan hmuhtonmi thil a si caah kan i hnek kho ngai ngai. Rianttuantu pawl hna lak i kan i capo tawnmi cu ‚ÄėA thi rih lo khah‚Äô (not dead) ti hi a si. Mithi kan fimtawl lio ah hin rianttuantu pakhat le pakhat cu a thi rih lo khah tiah capo in pakhat le pakhat kan i ti tawn. Kan i capomi hi mi sawh sawh caah cun capo ti hmanh ah an ruat lai lo.

Source: Buff Feed

Leave a Reply

Your email address will not be published. Required fields are marked *