Nihin Queen Elizabeth II vuinak ah UK Cinema 100 leng ah vui lio chuahter asi vawlei minung 4.5bn hrawng nih an zoh tiah theih asi, atu hi an zoh tambik cem asi,
Nihin Queen Elizabeth II vuinak ah UK Cinema 100 leng ah vui lio chuahter asi vawlei minung 4.5bn hrawng nih an zoh tiah theih asi, atu hi an zoh tambik cem asi,
Britain Siangpahrang Queen Elizabeth II cu nihin ah hin ram chawisangnak phun kip he vui asi, Queen vuinak hi Britain-ah cinema hall 125 leng ah chuahter asi, mah pin ah hin park, square le cathedral dang dang hna ah mi tampi nih zoh khawh ding ah tuah asi fawn, Cinema hall-hna ah hin free in zoh khawh dih asi, Westminster Abbey-ah vuinak hman asi, mah hnu ah London-ah programme dang hman hna cu BBC, ITV le Sky-hna nih TV-ah live-in an pe chuak dih fawn, culture department nih report ah langhter asi.
September 8-ah kum 96 asi mi Britain Siangpahrang sau bik tuan athi mi cu, Nihin Queen Elizabeth II vuinak ah tel mi hna hi ram dang dang prime minister le president pin ah, ram dang Siangpahrang hna zong nih London an phan hmasa diam cang khi asi, UK acoyah nih cun an Siangpahrang nu vuinak ni hi public holiday-ah arak phuang cang kha asi, Nihin Queen vuinak can hman hi Britain news kip ah thil cang lian bi kasi, kum 1997-ah Princess Diana vuinak, kum 2012-ah London Olympics le King chungkhar thitumnak can hman hna nak in zohtu le tuarpitu an tam deuh tiah theih asi.
Queen vuinak can hi an ram Suimilam 11:00-ah, London- Westminster Abbey-ah ngeih a si, mah hi kum 1965-ah Winston Churchill vui a si hnu ah Britain-ah state funeral ngeih thannak hmasa bi kasi, Vuinak ah hin mi 2,000 leng tel asi, ram dang dang hruaitu hna sawm dih asi lio ah, Russia, Belarus le Afghanistan-hna belte cu sawm lo chung ah an tel, Dean of Westminster David Hoyle nih vuinak pumkhawm hi hruai in, Archbishop of Canterbury Justin Welby nih biachah achim, Prime minister Liz Truss-nih Siangpahrang nu sianh lonak kong a rel fawn.
London police-nih cun siangpahrang nu vuinak pumkhawm zohtu mipi kal khawm an tam ngai ruang ah, police an duty tambik can asi fawn, Kum 2012 Summer Olympics le tukum Siangpahrang nu June thla ah kum 70 atuan tlinnak lawmnak, Platinum Jubilee lawmnak ngeih lio police duty nak in an tam tiah chim asi, Scotland Yard bawm ding in ram chung hmun dang dang in officer 2,000 leng auh asi fawn, Queen Elizabeth vuinak hmun, Westminster Abbey hi kum 1066 in Britain siangpahrang hna luchin chinternak hmun caah hman asi, Siangpahrang 17 vuinak hmun a si fawn, Kum 1066 in mah hmun ah hin Edward V le Edward VIII ti lo, Britain King dang cu King luchin chinter an si.
Queen Elizabeth II luchin chinter ah khan TV-ah chuah asi, Abbey-ah hin King chungkhar ithitumnak vawi 16 ngeih arak sic ang fawn, Queen Elizabeth II le a pasal, Prince Philip-hna kha mah hmun ah hin kum 1947 ah khan an tuah, a tupa, Prince William le a nupi, Catherine-hna zong kum 2011 ah khan hi hmun ah hin an tuah fawn khi asi.
Vuinak hman dih hnu ah Siangpahrang nu ruak hi Abbey in London- Hyde Park Corner-ah Wellington Arch panpi a si, lampi vialte hna ah ralkap le police-hna an in line hna, Big Ben cu minute dan ah aw/ring ter asi, Hyde Park in minute kip ah gun salute pek a si fawn, Wellington Arch aphan hnu ah, kuang hi State Hearse hmang in a khualtlawng tawpnak ding, Windsor Castle panpi a si, St George Chapel-ah can hman than in, mah can ah hin, minung 800 hrawng an tel, Queen sinak cu tawpter nak ngeih asi fawn, kuang cung ah Imperial State Crown pin ah orb le sceptre-hna lak thlak piak asi, Queen sin in King luchin hi lak asi, Can hman dih ah Queen ruak hi royal vault-ah chiah asi.
Queen kuang hi English oak in tuah mi asi, kum 30 liam can ah arak tuah diam cang mi asi, ruak a chiat lonak ding ah (Lead) hmang in tuah mi asi tiah, The Times report ah tarlan asi, Suan/Lead nih hin boruak lo rak lut ding cu aven piak khi asi, hi bantuk kuang thiamthiam hi Prince Philip-kuang ah khan hman arak sic ang fawn.