Nungak note mui dawh ngai mi kum 16 long asirih mi le mi fel ngai mi cu an thlen/bum hnu ah hruai chuak in ni 42 chung bak an tlaihhrem hnu ah aluat mi kong cu,

Nungak note mui dawh ngai mi kum 16 mi cu,

Mah sex scandal rapthlak tuk in atuartu hi Miss Suryanelli Kerala state-ah Idukki District khuate pakhat ah um mi asi, Kum 15 liam cang can ah khan Sukanya nungak note kum 16 asirih mi cu an khua in bum/thlen in hruaichuah mi asi, Ni 42 chung ah hin mi dang dang hna le hmun dang dang hna ah, hruai in faktuk in tlaihhrem arak si, thi deng mang in an khua ah arak phan than khi asi, mah kong nih hin atu lio India ram ahnginhter bak mi thawngpang asi, Misual hna hi tlaih khawhnak ding ah, mah nungak note le achung hna hmalaknak thawng pang rel phu bak mi asi.

Sukanya khua hi tlang cung deuh ah lakphak kung an cinnak hmun dawh ngai le nuam ngai mi khua asi, mah khua ah hin Nungak note dawh ngai mi le duh anungtuk mi asi fawn an khua ah cun mi theih le amin hi athang ve ngai ngai pin ah atlawng mi hna nih akong hi an chim tawn mi le alar ve bak mi asi, amah belte cu Miss Sukanya hi vanchiat ah ngandamnak lei hi atha tuk lo caah, normal siang in ah akai kho lo nain cacawn an duh ve caah anai bik nak ah tution akal vetawn khi asi, mah khua pahnih karlak ah hin Bus pakhat longte hi akal tawn khi asi caah Sukanya zong tuition laknak ah hin Bus cu akal tawnnak khi asi ve, Bus driver le conductor cu Sukanya he an itheih ve ngai ngai ko cang, conductor hi Raju-asi.

Bus Conductor nih cun nungak note amui adawh fawn, nichiar in ahmuh peng tik ah, duhnak lungthin arak ngei khi asi, ka duhnak kong hi ka chim ah cun akan duh ve hnga maw?? Timi cu abuainak bik asi, alungthin ah acam peng fawn cang, nate in an duh ning ah dawtnak taktak he lungthin thiangte in duh khi si lo in, nupa sinak hmanpi le nuamnak tuahpi ding khi arak ruah ning asi, vawikhat cu Raju-nih cun achawnh ve bak ko cang mah hnu ah cun duhsa duhsa tein hawitha bantuk khi an um khawh cang, zar zei maw zat hnu ah cun Sukanya zong nih Raju- cu hawitha bantuk in akawm vetawn cang khi asi, Raju-nih hin biachim thiam ngai ngai in, amah le achung hna hi mi sifaktuk asinak kong le harsatnak aphunphun ngeih bantuk in zangfak dirhmun bantuk khi achim piak vetawn,  mah cu ataktak in Sukanya nih azum piak ve, mitha tuk mi asi ko lai pin ah akan dawt taktak ko lai timi cu Sukanya nih aruah ve caah arak duh ve zong kha asi.

Raju-lih chim thiam mi cu Sukanya-nih ataktak ah aruah caah tangka angeih chun tete hna cu achungkhar hna hi a pek vetawn khi asi, Raju nih hri awh ding ah thang akan kam piak timi hrimhrim aruat in aruah bal lo kha asi, Raju- zong nih holhka thiam ngaingai in zei poh ah feltuk in a umter thiam ngai ngai fawn, nungak tlangval dawtnak ngei phun taktak in, an um cang khi asi,  mah tluk dawtnak cu dawtnak alemlem asi timi cu Sukanya bantuk lungthiang mi le ruahnak thianghlim tuk mi nungak note nih zei hmanh theih kaunak lei dang angeirih fawn lo tik ah, Raju-bia chim mi poh poh cu arak pawm in arak Amen peng kha an ria nasi ko.

mah hi ataktak hman thlak asi,

Mah hnu ah cun Sukanya nih alungthin taktak in Raju-cung ah dawtnak taktak ngeih ve cang in,  dawtnak angeih ve bantuk in Raju zong nih ka cung ah dawtnak angei ve ko tiah azum bak mi arak sic ang, mah tluk dawtnak ngeih veve Ruaju le Sukanya cu, an inuam ngai ngai khi asi pin ah an in ngai tawntuk khi asi cang, Sukanya nih hin acung ah zeithil dah aphan lai timi cu theih selaw mak an ti ko lai nain, acung ah cu bantuk thil phan ding hrimhrim ah alung chung ah zei hmanh a um lo, afel tawp, atha tawp khi asi ko alung thianghlim ning cu, cu tluk mifel le mui dawh Sukanya dirhmun ah thil cang ding mi anai deuh deuh khi asi fawn cang.

Ni khat cu Raju-nih thiam ngai in Sukanya sin ah cun, “kadawt, Bus-ah nichiar in kan icit peng nikhat tal cu  hmun nuam nak ah zalongte in lenti hna le kan pahnih te in ikawm taktak ding hi ngei kho siselwa tiin sawm pah in avachim piak, Sukanya nih cun mah bia cu leh thiam har ati bak ve ko, nain alungchung ah cun zalongte in lenti cu aduh ngai ve ko nain alangter duh lo khi asi, Raju-hi tlangval normal asi cang-I, biachim athiam fawn tik ah Sukanya thinlung teinak ding biachim athiam fawn, Sukanya zong angandam nak athat deuh cang caah siangin taktak ah akal than ve cang khi asi, nichiar in Bus ah kal ti lo in achung hna nih Hostel ah an umter cang khi asi, Raju-he nichiar in an iton kho ti lo nain, Raju-nih cun zar dih lei ah khin Sukanya sin ah ava kal vetawn, vawikhat cu Sukanya-sin ah Raju nih kadawt na tel lo ah cun mah longte in nunhman hikazuam ti lo e, ka ngaituk tawn, mi dang hna bantuk in kan pahnih in tli/zam ve ko cangsih tiah ati, aho hmanh nih akanbuaiter lonak hmun ah nuamte in can kan hman hi atha cang ko lai tiin ava sawm, mah lio ah hin Sukanya hi class IX akai lio asi.

Sukanya nih “Kei zong nih ka ngai tuk tawn ko e, amah belte cu ka nu le pa hna nih rem an ti lo ah cun ka zulh khawh lai lo ati, Raju-nih cun azia taktak langhter cawlh in “Cu bantuk karuah ning in na kan zulh khawh lo ah cun thil pakhat kan tuah aher asi cu! Ti pah in Sukanya hmanthlak pakhat album in a lak chuah mi cu akut ah aken mi cu “Hiti hin nalu hi kacut lai-I, mah cu Nu dang tak lawng ah lang dih mi, Nu um tha duh lo phun in, hmathlak lulem caah ka hman lai-I, mah hmanthlak lem cu Na pa riantuannak Post Office bang/wall ah ka tar ko lai tiah ati bak cang, mah bia cu Sukanya cu alauter tuk ning cu ather bak ko, album ah hmanthlak Raju nih alak mi cu bantuk in lungput angei lai tiah azum lo, aruahnak zong nih aphan lo, hmanthlak cu ahal zong ah apek duh naisai ti lo, alung rethei ning cu rapthlak tuk khi asi, Nungak note lungthiang mi Sukanya ruahnak cu abuai bak ko cang, Raju cu aduh ve ko nain Nu le pa then ding ah angam bak lo khi asi ve fawn caah Sukanya cu biachahnak ngei ahar bak ko. Asau tuk deuh cang, apeh nak rel nuam deuh atangrih peh than lai!

Cre: Moses pa