Nuva i Tthenlonak Ding I Herhmi Phung (Rules) 14 – Salai Kawltu

Nuva i Tthenlonak Ding I Herhmi Phung (Rules) 14

Na kawppi (nupi/pasal, nungak/tlangval) he caan sau pi i pehtlaihnak nan ngeih peng khawh nak dingah a tanglei phung (rules) hna hi an biapi tak tak.Thil fawi te a si tung i, a biapi tak tak mi hna an si.

Business Insider  nih a langhter ning ah Nu le va aa um cangmi hna cu an i tthen maw tthen lo ti dothlatnak 2014 kum khan an rak tuah. US  ah nuva i tthennak (divorce rate) hi aa ummi nuva dihlak  zatuak in 53% an si. Spain, Portugal, Luxembourg, the Czech Republic, le Hungary hna hi US nak in an zual deuh. Hi ram hna ah hin Nuva i tthennak (divorce rate)  hi 60%  a si.

Belgium hi nuva i tthennak (divorce) a san biknak ram a si i, 70% bak a si. Nuva i tthennak a tlawm biknak ram cu Chile ram a si i 3% tluk lawng aa um cangmi nuva hna cu an i tthen tiah kum 2014 ah Business Insider nih a rak langhter.

Na kawppi he caan saupi nan i pehtlaih khawhnak ding ah le nan i tthen ti nak hnga lo a tanglei hi na zulh hrim hrim a herh:-

Na kawppi sin ah i tthennak kong hrim hrim na chim lai lo. Capo bantuk zongin i tthennak kong na chim lai lo.

Na kawppi he pakhat le pakhat nan i daw tak tak lai.

Na kawppi cu lih na chim lai lo.

Na kawppi he nan i pehtlaihnak ah nan lung a thian veve awk a si, thuhmi nan ngei hrim hrim lai lo.

Na kawppi  sinah i uah na hmang lai lo.

Na kawppi  nih na lung an fahter sual tikah ngaithiam law, philh khawh colh na zuam hrim hrim lai.

Na kawppi  kaltak tuk hlah.

Na kawppi cungah na lung a tlin lo mi a um ahcun “A ttha ko” ti na hmang lai lo. Ttha tein bia na ruah lai.

Na kawppi cungah na palh tikah na palhnak cu na lungthin tak tak in ngaihthiam na hal lai.

Na kawppi he nan i sik sual ahcun remnak tuah loin ni na liam ter hrim hrim lai lo.

A tlamtling dihmi nuva/kawpi  si nakin a dikmi kawppi si a ttha deuh.

Na kawpi he nan karlak kong cu liamcia thil le atu caan he tahchunh na hmang lai lo.

Na kawppi a lungthin le a ruahnak zoh zia na thiam lai.

Na kawppi  pawng ah na daling tthing(ex) kong na chim hrim hrim lai lo. A thli tein a lung a na fah ter lai.

 Health and Relationship Magazine 

Leave a Reply

Your email address will not be published. Required fields are marked *