Princess Diana Thih Lai te I Bia A Chimmi

Meithattu (Firefighter) Sergeant Xavier Gourmelon hi Princess Diana accident a ton lio i a thlopbultu hmasa a si. Meithattu pa nih hin Diana hi a nun tthan hrim hrim hi a rak zumh. Princess Diana a thih ding hi a ruahnak hrim hrim ah a rak um lo.

Siangpahrang fanu Diana citnak mawttaw car cu Paris khuapi ah vawlei tang i a kalmi lam (tunnel) ah 31st August 1997 kum khan fak ngai in aa ttaih.
Diana thih hlan te i bia a chimmi zong meithattu pa nih hin a theih i hiti hin a phuan :- Diana nih a chimmi cu.. Maw Pathian, Zeidah ko dah cang ? “My God, what’s happened?” ti a si.

Meithattu pa Sergeant Xavier Gourmelon nih a chimmi cu “Hliamhma tlawmte, a orhlei liang ahcun ka hmuh ko, nain zeipipa khi a si lo. A thisen pakhat hmanh a chuak fawn lo. A tak tak le ngai ngai in chim ahcun a nun tthan hrim hrim hi ka rak zumh tuk. Ambulance chung i a um tiang hi a nun rih caah a nun thai hrim hrim hi ka zumh. Asinain tlawmpal ah sizung ah a thi ti thawng ka theih tthan i ka lung a rawk tak tak tiah a ti.

Diana mawttaw car in aa taih tlawmpal ah Pitie-Salpetriere Hospital Paris ah tlikpi colh a si. Asinain suimilam tlawmpal hnu ah a thi colh ve. Meithattu pa (firefighter) nih a chim tthan ning ahcun Mawttaw hnulei i a tthumi Diana le Dodi Al-Fayed hna hi Seat belt an rak i hrenh lo a ti.

Siangpahrang fanu Diana chungle chimning ahcun Diana nih mawttaw aa cit lai paoh ah seat belt ttha tein a hrenh hmasa zungzal, hi bantuk thil a si hi kan khuaruah a har ngai tiah an chim ve.

A hnu ah dothlatnak (investigation) nih a donghter mi cu Diana le Fayed hna cu mawttaw driver pa Henri Paul daithlan ruangah an thi ti a si. A driver pa hi zu a ri ngai ti a si.
Independent

Leave a Reply

Your email address will not be published. Required fields are marked *