Putar kum 94 asi cang mi hi mi In hlan in khuasa mi asi In hlan man pek ding angei rih lo ruang ah In ngeitu pa nih an thawl/chuahter mi Gulzarilal hi mi zei bantuk dah asi??

Putar kum 94 mi cu a in hlan nak man a pek khawh lo ruang ah, In ngeitu pa nih arak thawl/chuahter khi asi, mah putar pa nih cun bungrua/thilri tlawmte long angei khi asi, an thil ngeih mi cu Ih khun ahluntuk cang mi le um kheng tlawmte, Plastic bucket le no/hrai lian le thildang tlawm te long hi an thil ngeih mi asi, mah putar nih cun In ngeitu pa sin ah cun zangfak hal in can tlawm palte pek ding in nawlnak atuah ve, An In chak/thlang hna zong nih acan tlawmpal te pek in hngahter rih ding ah nawlnak an tuah pi ve hna khi asi, Sihmanhselaw In ngei tu pa nih theihthiamnam ngei bak lo in achuahter thiamthiam khi asi.

Mah thil cang lio ah cun Media thawngpang latu pakhat nih arak hmuh, thawng pang ah tial aduh ruang ah cun ava kal ve In ngeitu pa le Putar cu hman athlak hna, “In ngeitu pa tangka duhtuk ruang le theihthiamnak ngei lo asi pin ah, mah tluk Putar zangfak asituk mi hmanh theihthiamnak ngei lo in an thawl/chuahter asi, In hlan man pek ding angei rih lo caah can tlawm pal te pek ding ah ahal ko hmanh ah thawl asi tiah media thawngthanh nak ah aral tial piak bak khi asi.

Mah media thawngpang latu nih cun an thil hmuh ning le thil cang cu, a boss/pu sin ah achim piak dih hna, a boss pa nih cun hmanthlak hna azoh dih hnu ah mah Putar cu atheih le theih lo ahal khi asi, media thawnglatu nih cu atheih bal lo mi asi tiin a leh, mah putar pa cu aho dang si lo in, Gulzarilal Nanda, Prime Minister of India hlun arak si ko, Media news ah cun acoyah riantuantu hna nih In lian le ropi tak tak anngeih lio ah, Tu hlan ah ram hruaitu hna nih zeihmanh angei lo kong le an umnak In hmanh a ngei lo kong cu, thawngpang tialnak paper ah cun Front page bak ah hmanthlak he arak tial khi asi.

Prime Minister zong term 2 arak tuan cang mi asi, In hmun le ram/dum zeihmanh ngei lo nak kong hna, man sunglawi le thil tha zeihmanh thil dang a ngei lozia cu, mah thawng pang reltu mipi hna nih an theih ah cun, an khuaruah ahar mak an tin gai ngai khi asi, cun, A thaizing ah cun PM atuan lio mi nih cun Minister le acoyah mi pawimawh hna tampi kalter cawlh in, motor tampi he Pu Nanda umnak in cu an va kal hnawh hna khi asi, mah lio ah In ngeitu pa nih cun VIP le motor tampi hna an hmuh ah cun, an In hlantu pa cu aho dah asi timi arak theih, In ngeitu pa cu putar hmaika ah kal in khup bil in ngaihthiamnak ahal bak ve ko.

Acoyah lei hruaitu hna nih cun putar Pu Nanda cu Quarter tha ngai mi a pek mah Quarter ah cun um ding ah nawl nak atuah, Putar Pu Nanda belte nih cun kei cu putar mai kasi ko cang, vawlei dawhnak le ropi nak hna cu, amah caah zeihmanh santlainak angei ti lo kong cu chim in, acoyah nih duhsak taktak in Quarter a pek mi cu lak duh lo in hnawnh piak bak khi asi, minister le Officer lian hna cu putar bia chim atheih tik ah an mitthli atla bak hna khi asi, Sihmanhselaw kum 1997 ah khan India acoyah nih Cawisangnak sangbik Bharat Ratna award arak pek kha asi.

Kan ram hruaitu hna kong le Khrihfa Minister hna, Khrihfa Officer lian hna nih hin Putar Pu Nanda nun ah, cawn ding tamp ikan ngei ko lai? Kan thih hnu ah Van khuapi dawh le nuam tuk In kan ngei timi hi a theih mi caah cun asung lawi tuk ding khi asi, vawlei can tlawmte kan ngeih chun te ah hin, mah zawn ruah le tang duhtuk nak hi hrelh kan her cang ko lo maw? Mirethei sifak hna covo ngeih bak lo in mi lian sinak hman in duh tawk in dik lo ngai ngai in chawva sal ah kan lut sual lai ti hi phan a um ngai ngai cang, cu bantuk mah zawn ruat in duh tamtuk nak hi Pathian nih alawm ball ai lo tiah Bible ah fiangte in kan hmuh, Unau kan ram, kan miphun le zatlang nun tiang lam dik le covo dik ngeih ceu hi Pathian duh ning ava si dah.