Putar pakhat nih tlanglawng chung ah Pathian thawngtha achim arauh hlan ah Jesuh ara than lai tiah achim lio ah,Nu pakhat nih faktuk in asik Pathian thil ti khawhnak alang cawlh ko,

Putar pakhat nih tlanglawng chung ah Pathian thawngtha achim arauh hlan ah Jesuh ara than lai tiah achim lio ah,Nu pakhat nih faktuk in asik Pathian thil ti khawhnak alang cawlh ko,

Mah Putar cu tlanglawng ah athutnak in dir bu in, Can arauh hlan ah Kan Bawipa Jesuh ara than te lai tiin, achim tlanglawng acit mi hna caah arak phuang mi khi asi, mah lio ah apawng ah athu mi Nu pakhat nih cun dir in cu Putar cu faktuk khin asik bak ko, naka kha phih ko Jesuh kong zei hmanh ka thei lo, Jesuh hi a nung mi asi lo chim len zong aher lo tiin, fak nawnpi khin asik tik ah mah Putar cu ning zak ngai ngai in athu than khi asi.

Can sau tuklem lo athut hnu ah Pathian bia nih chunglei nun ah chim ko-chim ko timi cu alungchung ah ahung chuak than bak ko, asum kho ti lo caah dir than in Jesuh hi ara than te lai thil sual tuahtu hna, ngaisih in Jesuh sin ah ra ko cang uh Jesuh hi khamtu Bawi ah pawm cang uh, tiah arak chim than lio ah, mah nu thiamthiam nih cun dir hnawh in naka kha phih ko tiah arak chim than lio ah, mah nu nih a hruai mi afapa cu apawng ah chiah in cu Putar cu arak vuak bak ko khi asi, an vuak lio ah an fapa nih cun kanu vuak ti hlah mah Putar cu Pathian thlah mi asi tiah anu cu vuak ti lo ding in a chim piak khi asi.

Atu bantuk in an fapa nih anu cu achim hnu ah cun, Pathian thil ti khawhnak lang in anu cu khup bil in arak tap ve bak ko, mah lio ah Putar pa nih cun zei ruang adah na tah? Tiah ahal ah cun “Ka fapa hi achuah ka tein a holh lo mi asi” atu ah cun arak holh kho bak ko hih, tiin arak chim piak, Pathian riantuannak le thil ti khawhnak ataktak in mah Putar a vuaktu Nu sin ah aphan cawlh ko timi cu fiang ngai ngai in alang bak mi asi, Tlanglawng acit mi hna vialte nih an khuaruah ahar, Pathian a um taktak tiah mi tampi nih Jesuh cu an zum hna khi asi, mah hnu ah cun mah Nu/fa nih Putar sin ah ngaihthiamnak hal in an in ah, thawngtha bia chim piak ding in asawm cawlh-I, thawngtha cawn piak ding ah an In ah cun alawipi ko tiah “Jesus is light of the world” page ah atu bantuk in arak langhter mi asi, Pathian min thangtha si koseh. Amen.

Bible Knowledge Bible chung ah khuaruah har ngai mi thil pakhat cu Sam 118:8 hi asi?

Kan Bible chung ah khuaruah har ngai ngai mi cu, tuaktan lo mi caah cun theih ahar ko lai nain thil tuaktan mi caah cun khuaruah har taktak khi asi ko, khai aw kan lut lai!

1.Bible-ah Bung tawi bik hi Sam 117 a si, cang hnih longte a um,

2. Bible-ah Bung sau bik hi Sam 119-nak asi, cang 176 a um,

3. Bible pumpi ah Bung laifang bik cu Sam 118-nak hi asi, Bung tawi bik le sau bik karlak ah bak arak um cu!

4. Mah nak in khuaruah har kan timi cu Bible pumpi ah cang vialte hna hi kawmh dih in alai fang bik ta (center) Sam 118:8-nak hi asi, mah hnu lei vialte ah um mi cang dih lak kawmh in 594 asi, Cun ahmai lei cang vialte ah um mi cang dih lak kawmh in 594 hi a um frawn khi asi, 594+594= 1188 asi bak fawn, mah vialte kawmh dih ah hin siamrem deuh ah Sam 118:8 khi arak si fawn, thil mak ngai atling ve ko.

Cang alaifang bik bia um mi hi arak ROPI ngai fawn khi asi, Sam 118:8, ah Minung zumnak in Bawipa ah zumnak hngat hi atha deuh mi asi tiah timi bia fang te hi a ropi ngai fawn mi Bawipa bia asi, Pathian nih hin minung zum lo in, Amah Pathian zum hi aduh bik mi asi ko! Mah bia fang thengtheng hi Bible alai fang bik ah arak um mi le Bung tawi bik le bung sau bik karlak ah Bung alaifang bik ah um asi, cang alaifang bik ah um mi hna hi, Thil mak/khuaruah har bak cu asi ve ko, The Bible Says asi bak ko hih hehe.