Ralkap Amah Nunnak Ai Lak Nak A Ruang Hi A Ttha Kho Tak Tak



British eidin siam thiam pa cu Syria ah I$i& doh awk ah a kal i, thong an thlak loh nak hnga amah nunnak ai lak tiah an hmuh.

#1 Ryan Lock cu hodah asi?

Ryan Lock cu kum 20 tlangval eidin siam thiam mi asi. Uk cu a kal tak i Kurdish ralkap he I$i$ doh awk ah Syria ah a kal. Ralkap training zong a ngei bal bak lo mi asi.

Nikum December ah a thi i, a ruang tak tak an vun theih tik ahcun ral nih thah mi si loin thong ah an thlak nak hnga lo amah le amah ai that mi asi.

#2 BBC nih chim mi

BBC thawnglatu nu nih a chim ning in a ruak cu post-mortem an tuah hnu ah a khabe tang ah meithal kah nak a um ti asi.

A chungle cu a thihnak kong kha December 23 ah khan an chimh hna. Hringtu a pa Jon Plater kum 39 nihcun Lock cu Syria ah August i a kal kha a theih. A chungkhar le a hawile hna sin ahcun Turkey ah khualtawlng ding i kal ding bantuk in ai chim.

August 31 ah khan a facebook ah message a chiah tak hna mi cu “Rojava ah ka kal lio asi. Turkey ka kal lai tiah lih ka chim mi asi. Aho hmanh kan chimh lo caah ka ngaithiam u. Nan dihlak in kan dawt tuk hna cun thla ruk hnu ah ka rak kir te lai” tiah a ttial.

#3 Ralttha

Mi tampi cu daling le nih tthen ruang hna ah mah nunnak an lak lioah a nih nihcun a ram le miphun caah a nunnak a lak. Zochunawktlak asi. Lock cu amah a thei mi lawng nih an duhdawt tak tak kho. Asinain kan nih a thei lo mi nihcun a thil tuah mi le amah nun peknak kan dawt piak khawh.

#4 An hmuh mi.

Kan chim cia bantuk in a taksa cu an vun zoh tik ahcun amah nunnak ai lak mi asi. Ral pawl nih amah nunnak an lak khawh lo nak hnga asi.

Ral nih thong ah an thlak ahcun fak pi in an tuah lai i, bia hna an hal lai, a theihmi paoh an hal lai i a hnu ah thah te ding asi. A ram caah amah nunnak a lak diam. A ral ttha tak. Nunnak lak zong ah a ruang ttha mi te hna hi ngeih ding asi.



Be the first to comment

Leave a Reply

Your email address will not be published.


*