Kan vawlei pi ram thangcho mi hna nih tlakchiatnak khur chung ah an luh pi dih cang lai hih!

Ram pahnih idohnak hi azia deuh cang lai maw? Memmam azual lei deuh deuh asi, Russia an hriamnam ngeih thatha hman asi, Ukraine nih ram tampi bawmnak he thazang an chuah,

Russia le Ukraine karlak mei-alh cu amit deuh cang lai an ti lio ah, memmam mei-alh nih azual lei le mei-alh akau deuh deuhtu khi asi cang, hriamnam adih mi zong atamtuk cang, kaht lei khat lei ralkap thazang zong tha bat lei khi asi ko cang hmanh ah, Turkey president nih remdaihnak ding ceasefire riantuannak nih umzia a ngei lem lo, atu hi hnabei dawng in athu bak ko cang, nichiar in minung zei maw zat nunnak akal liam peng fawn, Ram pahnih idohnak ruang ah pawngkam ah um mi ram zei maw zat nih an tuar ve lio khi asi cang, zan ahngilh thiam ti lo, aruang cu Russia nih hin adonghnak lei thinhunnak nih Nuclear Weapons power ahman lai lo tiah aho nih dah achim khawh?

Israel ram nih hmunthum hrawng ah an ral hna hi aven ve peng fawn, Nizan ah khan Syria ah bomb an thlak than, Gaza strip lei buainak a um peng fawn, Iran lei ven tel peng asi fawn, Chun zan idin bak lo in Middle East boruak ah hin zeitik dah mei-alh arak chuahte lai timi hi an ven peng pin ah Israel miphun himnak ding ah ramri ah Security zeitik can poh ah duty ter peng asi fawn, Iran nih Nuclear weapons ngeih khawhnak ding ah lam akawl peng fawn, buainak long tein kan vawlei hi akaht ko cang khi asi.

China le Taiwan karlak buainak zong hi asawh sawh asi lo timi hi afiang tuk ko, atu ah hin an karlak Island hrawng ah hin China nih drone an thlah peng khi asi, Taiwan nih tih ve bak lo in, wraning shoot/Drone an kah piak bak ko cang, mah long si lo Taiwan nih hin an hriamnam ngeih mi vialte raldohnak lawng hna le Jet fighter hna cu, an um nak hmunkip ah Exercise ngeihter peng asi ve cang, van cung ah siseh, Rilipi cung ah siseh, vawlei ah siseh, ral doh ding in ready dih ding in an President nih nawl apek fawn cang, China Drone kan ram zone ah arak luh than ah cun kap thlak piak cang ding ah, ralkap hna cu nawl pe kasi fawn cang khi asi.

Russia nih hin Ukraine an dohnak ah hin thla 6 leng asi cang, Feb 24 in atu tiang hriamnam le Missiles an hman cang mi hi 70% hrawng an hman dih cang, atang mi hi zei can tiang dah adaih laic him khawh asi lo, mah pin ah tangka dih mi zong hi arak tamtuk cang khi asi, an tlakchiatnak ding hi anai deuh deuh khi asi ve peng dirhmun ah adir ko cang, Russia bawmtu ding ah an ruah mi cu Iran, Belarus, China le Syria hna deuh hi asi ko nain, China nih hriamnam bawm an tim lo, Iran nih Drone cu zei maw zat an bawm ve ko, thil dang an bawm khawh lai lo, Belarus nih zei hmanh an bawm kho lo, an ram chung ah Russia ralkap hna nih base/umnak ah hman in an cawlcang khi asi, thil dang ah zeihmanh an bawm khawh lai lo khi asi.

Ral doh nak hi thil fawi asi hrimhrim lo, ram sifak hna caah cun ral doh hi chim ding a um lo, ram thangcho, ram rum ah kan ruah mi hmanh nih an tlukchiat pi tawn khi asi, thil fawi asi hrimhrim lo, ram Economics nih zeitluk in dah anrak tuar timi hi Analysts hna nih cun fiang tein an theih, Atu Russia le Ukraine idohnak kong ah hin an tuaktan ning ah cun, Russia hriamnam le Missiles an hman mi le Ukraine nih an bomb chiat mi hi, an ram Budget kum 2 chung ta an hman dih cang tluk khin an tuak tan mi asi, apoi taktak ko, Ukraine zong cu bantuk deuh asi ko lain ain, Ukraine belte cu ram dang bawm mi long te asi caah an ram ta thil an sungtuk lo tina kasi.

Russia nih anram oil hi Incomes bi kasi, Europe ram le Asia ram tampi hna nih an sanction ruang ah China, India le Saudi Arabia long nih an cawk piak khi asi, ahlan ah oil man hi 80% tluk incomes an ngei tawn khi asi, atu ah cun 35% long hi an zuar chuak khawh khi asi, kan hnu lei ni 3 liam cang ah khan Russia nih oil tampi mei an khangh mi kha kan hmuh ceu ko kha mu! Vawlei ram hi hnangamnak taktak hi a um ti lo, ram pakhat le pakhat hi sumdawnnak ngeih lo ah cu nasi khawh fawn lo, sumdawnnak ngeih ding ah cun remdaihnak um apawimawh fawn, buainak long long in akaht ko cang e.

China hi mah zawn longlong ruat mi ram asi fawn, an ram nih hlawknak angei lo ah cun aho hmanh hi an bawm duh fawn lo khi asi, ram hme le ram sifak hna hi bawm bantuk in alanghter in, loan tampi tangka cawiter in project cu an ram company nih an tuah, loan pek tangka cu an company kut chung ah alut dih, ramhme le sifak hna cu Leiba tampi ngeihter khi asi, China policy hrimhrim hi policy tha lo bik atling ko, China nih alak in mi ram abawm timi a um bal maw?? Memman hlah an mahr uang ah Sir Lanka zong tlukchiatnak khur chung ah an tlakter ko cang kha mu! Myanmar ram zong zeitik adah tlukchiatnak khur chung ah an tlakter te lai mu??

Vawlei hmunkip ah remdaihnak umnak in buainak longlong hi asi, abik in ram thangcho ati mi ram hi an buai deuh deuh maw? Ti bantuk ding khi asi, Rusia Ukraine idohnak ruang ah ram dang buai ve mi cu, Japan, Malaysia, Singapore, Poland, Sweden, Finland, UK, Australia, India, US le NATO allies etc. adang tampi a um rih ko lai, tukum hi buai kum kan ti zong ah kan palh tuk lem lai lo cu mu!.