Sifak retheinak nih a tei khawh bak lo mi auto driver fanu Rajasthan Board Topper cu a thluak arak thatuk,

Hlawhtlinnak tlamtlingter ding lam hi anuam mi le afawi mi asi lo hrimhrim, sifak retheinak karlak in harsa ngai ngai cung in hlawhtlinnak ngei hi tampi theih ding a um ko cang, Atu ah hin Jaipur ah um mi nungak note kum 15 asi mi, Suhani hi Rajasthan Board ah class 10th standard examination ah mark hmu sangbik siin 96% per cent bak hmu in topper ah arak si khawh mi khi asi, Suhani hna chungkhar hi khawsak harsa tuk mi le nichiar in riantuan hlawhfa in ei kawl ve mi asi, a hlawhtlinnak phen ah an chungkhar dirhmun le arak zuamnak cu mi dang nih an theih hna hnu ah alar deuh deuh khi arak si.

A nu le pa hna hi cathiam lo an si veve, a pa hi auto driver tuan in ei kawl in chungkhar ah riantuantu le eikawltu bi kasi, ahmasa Covid zawtnak ruang ah quarantine lio ah le bang cu, riantuan ding a um lo caah midang hnipuan suknak ah a hlawhfa vet awn khi asi fawn, Chungkhar ah tangka harsatnak faktuk in anrak ton ve khi asi, harsa cungcung in an fanu cu an mah bantuk in cathiam lo asi sual lai tiah, asi khawh tawk tein acawnnak ding ah zohkhenh hi arak zuam mi asi, A fanu Suhani zong nih an sifah retheih asi nak le a dirhmun aruah ah hin, a lung adong dengmang ton khin a um, mah dirhmun nih cun an challenge ngai khi asi ve fawn ko, chungkhar harsatnak ruang ah bia tak tein arak zuam ve fawn, chungkhar harsatnak le retheihnak khur chung in hruai chuah asi khawh lai timi hi azumnak he, Exam nak ah atu bantuk Topper dirhmun ah arak passed mi asi.

Mah zat zat tam mark score khawh ding ah hin tuah ding lam tha ngai atheih ruang ah si lo in, Nichiar in suimilam 5-6 chung peng hi cacawnnak can ahmang tawn mi asi, covid zawt lio ah khan Online class hi a nu phone hmang in class akal tawn khi asi, cawnnak lei ah zei bantuk lam dah na thim lai tiah media bia hal nak cu, Suhani nih hin CA si aduh, cun cawnnak peh peng in IAS officer si aduh kong achim fawn, An fanu hlawhtlinnak ah hin a nu le pa hna zong nih an lung awipi ngai, an school principal, Devendra Kumar Waja zong nih Suhani nih hin cawnnak ah hin tikhawhnak sang ngai angei tiah achim ve fawn.