Theih kau nak ca ding ah Kan vawlei hi kum zeizah dah Upa asi cang? “Bible le Science chim ning ah cun?”
Theih kau nak ca ding ah Kan vawlei hi kum zeizah dah Upa asi cang? “Bible le Science chim ning ah cun?”
Kan vawlei kum upat lei hi bia-al nak tamtertu pakhat asi tawn, atu tiang bia-al nak dongh bak lo mi asi, (Controversial issue) a si peng rih ko, Khrihfa hna chung ah hin, kan vawlei (Earth) hi kum 10,000 nak in anau deuh rih tiah chim mi zong a um, Sihmanselaw kan theih ding mi thil cu, Bible ah hin Vawlei upat lei fiang in chim khawh ding zeihmanh (claim) a um tlat lo khi asi, Kan thei khawh mi cu Kum tampi kal liam cang timi hi asi ko, Bible le Scientific evidence lei in alan ning ah cun, hlatthlai nak nih an chim mi cu.
Bible nih hin vawlei upat lei hi a tial lo kan ti ko cang kha mu! nain James Usser, Ireland Khrihfa Bu Bishop nih (1625-1656) ah khan Genesis in miphun phunthlah ning in an hlatthlai mi kha asi, research an tuah nak ah an hmuh ning achim mi cu, vawlei tuah chung can cu October 23, 4004 BC (Sunday) siin an hlatthlai ning in achim, (See 4004 Bc in foot note). A tuaktan ning kal phung hi adik lo (invalid) cu a si bak lo nain, Hi bantuk fiang ngai in vawlei kum upat lei hi, Genesis ah miphun punthlah in tuaktan le hlatthlai hi cu ti ngaihnak a um lo khi asi an ti, A ruah ning ah cun Genesis ah phunthlah ning hi atling dih (complete) ngai ngai mi asi ati.
Ruahnak adang pakhat cu Genesis ah thil tuah ah ‘Ni’ (Days) kha suimilam 24 te bak in an tuaktan mi asi, cheu khat nih cun Bible nih Minung dam can tlangpi in achim cu, kum 70 -80 hi san khat chung ah kan chiah khawh lio ah, cheu khat nih cun minung arak chuah ka tein pitling ah anfa rel asi khawhnak can chung, kum 18 to 21 tiang hi san khat (one generation) ah kan huam ter zong asi khawh ve fawn, History le Science lei in kan theih mi cu kum 12,000 nak tam kal liam cang ah khan, Ti phaknak (sea level) hna arak sang pin ah snow/vur ti hna cu, Rilipi ah aluang lut khi asi.
A hlan lio ah vawleipi kau ngai pakhat (Eurasia) kha arak ithen hramthawh nak asi cang ti hi a si, Kan theih ding cu Palega kum zat kha kum 4000 hrawng kal liam cang bantuk khan tuaktan asi, mah cu Bible ah phunthlah ning (genealogies) ah tlamtling lo kan timi le Bible ah arak lang hi cu, an can lio ah pawimawh bik bantuk long kha asi an timi kha asi, Bible ah phunthlah (genealogies) kan hmuh mi hi cu, hmun thum țhen hmun khat (one third of the actual generations) hrawng long asi tina kasi cu, Awle, Radioactive dating long hi kan inghahnak ding cu asi lo, hiti lo zong in adang dang in tuaktan ning ngei mi a um ve fawn, Scientist hna tuaktan cia bantuk in langhter mi asi ko.
Scientist hna nih kan vawlei hi kum billion tampi upa asicang tiin an chim bik tawn, Cun “scientist hna nih an chim/ ti” tiah kan ti ah cun aho hmanh nih an al ngam bal lo kha asi tawn, zei asi zong ah kan Bible lei in fiang pap in chim a um lo hmanh ah atlangpi in BC le AD kum vialte hna hi, kum 6000 leng asi hrimhrim ko caah, kan vawlei kumu pat nak hi kum 6000 leng hrawng long asirih tiah zum khawh asi ve fawn khi asi, Cun chim ning pakhat than ah cun, kan vawlei hi kum 2000 dan ah a thleng tawn tiah kan theih fawn khi asi, Adam in Nova can tilet tiang kha kum 2000 hrawng tiin tuaktan asi, Ti let hnu in Jesuh arak chuah can karlak zong kum 2000 hrawng tiin tuaktan kha asi.
Jesuh achuah hnu le atu karlak zong kum 2000 leng asi cang fawn, kum 7000 atling deng mang cang ti zong in chim khawh asi fawn cang, adik lo mi tete zong a um ko lai achan cu, kum hi kum 2 tiang in a swing khawh, calendar zong adang ceu asi, athleng ruang ah Kum 20-30 zong adik lo kho men, achan cu kum 20-30 hrawng hi Bible genealogy ah hin a tlau ruang ah, Kum za tampi zong adik lo kho men, a chan cu Pathian hi nawl ngeihtu bi kasi ruang ah, chim phak asi lo, adik taktak tiah fianternak zeihmanh a um lo caah, adik bik theihtu cu Kan Pathian asi-I, Pathian nunnak thlarau angeitu nih Pathian sin ah kan phan hnu ah kan theih vete ko lai cu!! Pawimawh bik cu Kan Pathian he iton ding ah ready hi asi ko, Amen.
Ref: Christian outlook,