Thiam co duhnak, Thiam conak, Thiam co tertu, “Thiam co le thiam co lo” hi mi zei bantuk dah asi?? Thiam co duhnak maw ana si? Thiam cotertu duh nak??

Vawlei Minung dih lak ah hin, Nutung Patung, Ngakchia, Mi no, Nungak tlaval hna le Leaders le Pastor, Politic hruaitu hna tiang hmanh nih zei bantuk thil ah siseh, rem le rem lo thil zong ah siseh, “Thiam co” kan duh dih ko timi hi afiang, Thil kanrak tuah sual maw? Asi lo ah bia pakhatkhat ceihnak ah siseh, Nu/va bia I al nak ah siseh, thiam co duh in lam kan kawl peng tawn khi asi ko adik maw?? Mi dang theih lo in thil kanrak tuah sual zong ah mah le mah ithlen in thiam co nak bia kan chim tawn, cu kan lungput mi cu uah nak phun khin akal bak ko timi hi kan in tuaktan bal lo minung kan si, kan mak ngai ko minung zia hi, minung hmuh ah thiam co nak long hi kan duh! Pathian nih zeitin dah akan ruah piak lai thiam akan co ter lai maw? Memmam hlah kan fail bak ko!

Joseph P Kenedy nih cun Minung kan dam chung ah tlamtlinnak hi, tangka le thil tampi ngeihnak hi asi lo, zei bantuk family dah asi? Family zeitin dah an thancho ning timi in tah chunnak um chu nasi ati, chungkhar/Nupa/hawi kawmtha zong ah hin thiam co duh si hi icuh tawn le pakhat le pakhat imawhchiatnak hi aphan tawn peng ko khi asi, mahr uang ah cun nupa ithennak, mi he isiknak tiang achuahtertu bik cu “Thiam co” duhnak ruang ah asi tiah Psychology thiam Joseph P Kenedy nih atu bantuk in arak chim mi asi, mah zawn ah hin Thiam co nak asi lo, Thiam co tertu zong asi lo kan mah tein Thiam co kan duhnak lungput alanghter bak mi asi timi cu fiang ngai in alang ko.

Thiam co lo si hi cu anuam lo ngai ti ko! Asi nain Family ah, Personal ah mi tlamtling mi cu zei tik hmanh ah a uah ball ai lo, cpin ah thiam co ding ah acuh ballai lo, zei tluk hmanh in thiam aco ko hmanh ah e asi ko kei hi thiam co mi ka si lo, nangmah tu hi thiam co tu nasi tiah amah thiam co nak zong mi dang thiam co ter khi aduh tawn, mah lungput ngeih mi cu Thiam co tertu nih adonghnak bik ah thiam aco ter tawn khi asi, kan mah le mah thiam co ah kan iruat lio ah thiam co nak ngeih lo bantuk in akan chuah ter ah cun “Fak” kan ti ceu ko cu, Nupa pakhat an ithen Nu nih thiam co nak kong achim, Pa zong nih thiam co nak kong achim, an chim veve ko cu, asi ah mah pahnih hna karlak ah aho nih dah thiam a co lai? Kan theih maw? An thiam lonak kong an chim duh veve lo khi asi, result cu zei dah ithen asi ko cang.

Pathian atih deuhtu nih thiam aco te lai cu mu!!Thiam co nak dik cu, A ho he hmanh bia akalh zong ah tangdawr nun ngeitu singam hi thiam cotertu nun angei tina kasi, tangdawr nun angei mi nih tangdawr nun angei lotu cu tangdawr nun nih atei tawn, Thiam co nak dik cu can nih akan hruai deuh deuh ah khin chungkhar ah, Personal ah tlamtlingnak le thancho nak nih akan dawn peng ko lai, dik lo ngai ngai in Thiam kan co ah cun acan nih tlamtling lonak lam ah akan hruai ve deuh deuh khi asi ve fawn lai, thil zei poh ah tlamtling lo nak long te asi pin ah thancho nak lam apit bak ve khi asi te lai, tangdawr nun angei mi poh hi rem daihnak angei pin ah chungkhar/ hawikawmtha hna zong ah thei/par tha achuah tawn khi asi.

Atul io kan vawlei minung ah hin fiang ngai ngai in thil alang mi cu, Thiam co duhnak ruang ah thil zei poh ah thiam co duh longte kan si zia fiang ngai in alang tawn khawh ko, kan umtu ning ah, kan holh le bia chim ah, kan um kan kal ah, kan thil tuahnak ah, Bu hruaitu kan si ah, politic khelnak ah, Sumdawnnak ah, kan lungthin put ning hna tiang fiang ngai ko lo maw? Arak lang than ding mi bia dik tu khi kan hngak huam tawn lo cu mu, zei bantuk rian kan tuan ko hmanh ah hin kan lungput bik cu mah le mah thiam co si hi kan duh ceu nak nih hin kan thanchonak ding ah lam pit tu asi timi hi mikip nih icheck hna tuah usih law, atu nak in biaknak lei ah siseh, politic ah siseh, NGO’s hna ah siseh, thiam cotertu nun ngei hi biapi bik mi thil asi, kan mah le mah thiam ico ter hi zei tik hmanh ah thiam cotertu nun ah kan tling ball ai lo khi asi.

A donghnak bik ah mi dang hmuh ah thil tha tuah long si lo in kan lungthin akan zoh pengtu le mi hmuh lo karlak ah thil tha tuah mi hi abiapi fawn, aruang cu athlithup in akan zoh pengtu mit hmuh ah thiam co nun ngei hi dakaw “Thiam cotertu” nih aduh bik mi asi cu, alang lonak ah cun thil tha kan tuah duh lem lo cu, mah caah cun Kan U le Nau hna alangnak ah thil tha tuahnak in alang lo lei ah thil tha tuah cu thiam co nak dik asi bantuk in thiam co nak nun ngeihnak zong asi, pin ah zungzal in zungzal tiang Pathian hmai bia ceihnak ah thiam co na sit e lai e.

Cre: Moses pa