Thil khuaruah har ngai mi pakhat cu mah khua ah hin pasal ngeih ding mipa an um lo ruang ah Nungak dawh ngai mi 600 hna cu,

Vawlei cung ah thawngpang mak ngai le adang ngai ngai ko, thil mak theih ding hi a um ve peng fawn, atutan thawngpang mak ngai mi cu Brazil ram thlang lei ah khua pakhat, Noiva do Cordeiro khua ah cun, mipa an ngei lo khi asi rua, 2014 census ah khan mah khua ah cun, Nungak longte minung 600 hrawng an um tiah theih asi, mah nu hna hi kum 20-50 karlak hrawng an si hna tiah an ti, Noiva do Cordeiro ah um mi Nugak hna hi pumrua/tungtlang tha le mui dawh ngai mi an si hna tiah news site nih achim mi asi.

Mah khua ah hin mipa nih nawl angei lo caah Nu hna khawkhan lairelnak tang ah um duh lo in mipa hna hi mah khua ah hin an um duh lo khi asi, a um chun mi hna zong nih an chuah tak tawn tiah an ti, Mipa hna nih hnipuan an suk, um kheng an tawl, nu rian poh poh hi pa rian ah an chiah dih hna khi asi an ti, mah caah cun pa caah cun phurrit ngai asi, cu cu tuar huam lo in an chuah tak hna tiah an ti, In chungkhar ah hin khawkhan lairelnak ah mipa nih zeihmanh chimnak nawl angei ve lo, rawl chumh le tisa lum hna tiang mipa rian asi an ti.

Nu nawlngeihnak khua asi caah Nu khawkhan lairelnak tang ah mipa hna hi an um duh lo ruang ah atu ah hin an mah Nu longte an um cang tiah thei asi, Cheukhat hna nih pasal angei ve ko nain khua leng riantuan ding in an kalter daih tawn an ti fawn, riantuan nak in anrak kir zong ah nihnih khat hnu ah an kalter tawn khi asi sau an umter lo an ti, mah khua ah nu hna hi lung zong arual ngai ngai hna, mipa hna nak in an thangcho ngaingai an ti, An khua chung ah Nu pakhat Rosalee Fernandez chim ning ah cun, mipa nak in thazang an ngei deuh pin ah thil tampi an tuah khawh deuh ko tiah ati.

Mipa tel lo in an nunphung hna le an khuasak ning hna cu anuam ngai ngai ko, khuachung ah zei maw harsatnak a um zong ah, Nu hna nih felfaitein kan tuah piak khawh dih ko ati,  mipa an kiss lonak belte can asau pah ko cang, pasal ngeih zong kan duh ve ko kan ruah ve peng ko tiah Rosalee nih cun a chimchih, mah nu hna nih hin khua dang hna le khua leng ah pasal ngeih hi an duh hna lo tiin achim, pasal an ngei zong ah an nawlngeihnak tang ah um khawh ding mi le khua chung ah faktein um aduh mi long hi pasal caah kan duh tiah achim fawn, Nu nih khawkhan lairelnak Brazil ram thlang lei khua pakhat ataktak asi mi khua asi.

Cre: Online News