Tlangval pawl kan sining fiangtein cikcek tein langhter asi ko hih! A hman kho taktak – Salai Kawltu

Tlangval pawl kan sining fiangtein cikcek tein langhter asi ko hih! A hman kho taktak

Minung sining lungput hna researcher nih an langhter ningah cun kan mitau, kan biachim hoiher, kan thutning pungsan, kan ih ning pungsan, kan kut le ke cang hna nih an langhter tiah an ti. Kuttial zohthiam hna nih cun minung kuttial ah hin thil dang dang cu chimlo, minung thih nunnak kong tiang a lang kho tiah an ti ve. Tutan ah researcher nih tha tein minung sining cu kutcang in langhtermi an ngei. Tutan an langhtermi hna hi nu ca si loin pa caah deuh ah chimmi asi lai. Kutdong pungsan langhtermi phunthum ah hin minung kutdong pungsan cu a tling ko rua. An then ning hi zohawl A,B,C tiin number pek asi. Hi number ning tein pakhat hnu pakhat in ka vun langhter lai.

A. Hibantuk in na kut pungsan a um ah cun mah tlangvalpa cu iang a ngei tak takmi a si lai. Amuichiat le thatah aa hngatmi si loin zeimaw ti te in duh anung tukmi tlangval asi tiah a ti. Cun mah tlangvalpa hi hawikom le unau chungkhar nakin phaisa a ruat deuhmi a si tiah ati. Cun, athintawi ruangah hin zeimaw thil tete ah ilhkhiah ahmang tiah ati.

B. Hibantuk kutdong pungsan angeimi nasi ah cun tlangvalpa/nanmgah cu mah le mah ah zumhtlakmi sinak a ngei bakmi na si tinak a si. Cun, midang he hnahnawhnak chuahpi aduh lomi a si. Zeitikhmanh ah buainak chuahter hmasa a duh ballo. Nungak tlangval dawtnak kong asi zongah zumhtlakmi asi i, dawtnak timi sullam ngei tein hman a duhmi tlangval a si tiah a ti. Amahbel mah tanghui in thiltuah ahmangmi a si tiah chim chih.

C. Hibantuk kutdong pungsan angeimi tlangval na si ah cun nangmah cu midang caah lamhmuhsaktu tha na si tinak a si. Nangmah cu mitha, midang cungah dawtnak le zaangfahnak a ngeimi na si. Hibantuk tlangval/pa cu an thinlung anem i, zei poah hi athatnak leiin a ruat khomi an si tiah researcher nih cun ati.

Researcher 

Leave a Reply

Your email address will not be published. Required fields are marked *