Trump nupi Cawlcanghnak tete hi Uar um Tuk (Photo Sermon Chommi)

US ah President  attuan cuahmah mi le vawlei cung mirum bik ah aa tel vemi Donald Trump hi a rak men baklo. A no lio hmanthlak zoh tikah khuaruah har bak in aa style ii uar  aum. Cu lawng siloin zungzal caah aa thimmi a thaisung Malania Trump hrimhrim hi muidawh pakhat  asi. An i tongthiam kho taktak khi si. A mui aa dawh pin ah nupi tha ngai ngai a si.

Trump nupi hi nu za pakkhat a si. Pasal caa zong ah nupi tha bak a si. Trump biatak tein a dirkamh i a dawt ti a lang ngai ngai. Uar um kho tak tak.

An no deuh lio hmanthlak pawl kan hmuhmi zong  atampi lai nain kan hmuhlo mi zong a rak um ve lai caah vun zoh tti hna usih. An nuva tein uar an um tuk, zoh hrimhrim an i nuam khotuk e. A tutiang zongah hin an i dawhnak a ziam kho naisai rihlo.

Trump le an nu hi upat an tlak kho tuk fawn a ruang cu duhdim tein um a ngah tuk lio ko zongah ram daihnak caah tuar an i thim. Mah bantuk lungput an ngeihmi hrimhrim hi a sunglawi tukmi lungput asi cang. Nun khuasau nak tu Bawipa nih pe hram hnaseh. Zoh an cim bakloh hih an nupa tein uar an um khotuk.

Source: Google

Relchap:- BREAKING NEWS:- BIDEN Unau pa Zong FBI nih Dothlatnak an Tuah Cang

Joe Biden unau pa pakhat deuh James Biden zong US FBI  lei  nih tax a pekmi kong ah dothlatnak an tuah ve than cang.  Joe Biden nau deuh a si annih hi James Biden a si. Pennsylvania Sizung i business tuahnak kong i a tax peknak kong ah dothlat cuahmah  asi. Hi thil  hi Biden fapa Hunter Biden  dothlat a si hnu ah an pehzulhmi hi a si. Cun zahan khan Joe Biden fapa Hunter Biden cu US Federal Investigation Dept lei  nih a tax peknak kong ah dothlatnak biatak tein an tuah cang. Hi kong he pehtlaiin apa Biden zong a lungre a thei ngai ngai. Asinain hi thil phisin khawh a si ko lai tiah aa zumhnak nganpi a langhter. Hunter Biden nih hi kong hi tuni khan fiang tein a langhter. “Zahan tihni khan avoi khatnak caah U.S Atoorney Office Delaware nih ka tax peknak kong ah dothlatnak an tuah’ tiah a chim. Biden fapa Hunter Biden hi US lenglei ramdang Ukraine le Tuluk pawl he biatak tein sipuaizi/ business a tuah tiah ti a si. Hi thil hi apa caah buainak tampi a chuahpi kho mi thil a si. Biden hi US Vice President le Obama US President an rak tuan lio ah hin Hunter Biden nih hin ramdang (foreign countries) pawl he business a tuah tiah sual puh a si. A kong chimceih a tam ngai ngai.A pa Vice President a rak sinak cu caan tha ah a hman tiah sualpuh le thangchiat a si. Tutan ah US Federal Investigation department lei nih a tax peknak kong ah biatak tein dothlahnak an tuah hi a si. Source: BBC & Daily Mail