Trump Rumnak le A Inn Ropui hi Van Zoh

US President Donald Trump Rumnak le A Inn Ropui Pawl (Tha Cung Lian)

Laimi zong hngakchia upa thlu loin kan theih dihmi le kan uar ngaimi, kan ttanh ngaimi US President Donald Trump nih US Khuapi, New York ah a ngeihmi a inn (tower) pakhat i, a inn hlan man in a hmuh dingmi a income hi laikhal thluak in ka van thai. Zeitluk in dah a rum i a income a tam ti hi kan van zoh hna lai.

Khah! New York ah a ngeihmi a inn pakhat hlanmi kan van tuak hmanh lai. A tlawmbik rate in kan van tuak lai. $2600x 600=$1,560,000 bak a tlawmbik rate in a chuak. Cu tikah a fiang komi cu hi inn lawng in a income hi a tlawmbik thlakhat 15,60,000 ( Ting hleinga le thong sawmruk) a si. A inn hlan man kha $30,000 a si caah $2600 he cun ai hlat tuk i cucaah hi a inn pakhat in a hmuhmi hi ting 30 tluk cu a si ka zumh. Keimah zumhnak sawh mu…..

Media cheukhat nihcun atu New York i a inn (tower) chung floor pakhat hi vawleicung ah bawlungchuih thiam bik a simi, Laimi zong nih kan theih ngaingai mi C. Ronaldo nih $13.8 million in a cawk tiah a ttialmi zong an um. Asinain, hi kong hi fiangte kan thei lo.

President Donald Trump hi amah neihniam in khua a sami le amah kong a theitu pawl nih an chimnak ahcun US President a ttuan chung ahhin eihmuar in le cozah phaisa dehhlen in amah pumpak caah luhter cu chim loin, ram a dawt caah le ram caah a caan le a thinlung a ruahnak tamtuk a pek caah a chawlehthalnak (Business) pawl a zohkhenh thiam ti lo i, kum 5 chungah a phaisa hmuhnak (Income) $30million bak a ttum tiah US Media cheukhat nihcun an ttial.

A fiang komi cu, mi dingfel, ram a daw ti cu a fiang. Democrat in 2016 ah a rak cuhmi Clinton hna kha a ttuanbia zoh tikah cozah rian a ttuannak inn chawlehthalnak a tuahmi in a phaisa hmuhmi kha! A hei tamning, a rumnak hram zong a si ti khawh a si. Trump he cun ram an dawtnak thinlung zoh ahcun van le vawlei in an i thlau.

US President Donald Trump hi New York a inn lawng si loin hmun dangdang ah Tower tam pi a ngei rih. Nevada Las Vegas i a ummi Trump Hotel Condimium le bang hi cu Meter 190 bak a sang. Dot 64 bak a si. Hi inn hi a laar taktak mi inn a si i mi tampi nih theihmi inn a si. Trump nih a ngeihmi lakah man fak bik lakah ai tel ve mi cu, Chigago ah a ummi Condo Luxury Skycraper hi a si. A man in tuak ahcun 847million man a si. A san hi Meter 430 bak a sang i dot 100 a si. Hi inn hi millionaire tampi nih an hlan i Hotel, Restaurants, SPA, BARS, STUDIOS, Offices ah an hman. Timeshare Corporation zong nih Nightclubs le Bussiness hosting caah an hlan ve.

Trump hi amah a huatu le a zuamcawhtu hna le media cheukhat nihcun a thluak tlamtling lomi, mi hrut, mah zawn lawng ai ruatmi tiin min phunphun an phuah i an soisel. Hei tuak cio ulaw, hi tluk mi lianngan hi mi hrut le thluak tlamtling lo nihcun an ngei kho in an tawlrel kho hnga maw? President dirhmun tiang hi an phan kho maw? ti hi ruah awk tampi a um. A fiang komi cu, mi hrut le thluak tlamtling lo cu a si hrimhrim lai lo ti a fiang ko.

A liamcia kum 4 President a ttuan chungah amah he naihniam in khua a sami hna nih hitin bia an hal. Trump!, zeiruang ah dah hi tluk in na hlawhtlin i teinak na hmuh? Tiin bia an hal i a lehmi hna cu, Pathian thawngin a si. Keimah nakin na Pathian hi a lianngan deuh, a tthawng deuh i rian a ttuan kho deuh. A ropui deuh tiah a leh hna. Bia a chimnak le amah kong an halnak paoh ah Pathian thawng in ti le Pathian rianttuan khawhnak le thil ti khawhnak, a sunparnak, a ropui deuhnak kong a chim chih peng.

Note: Kan ttialmi hi a tawinak in kan theih mi vial kan van ttial le a si. A dang inn tampi a ngei rih i phaisa zong tampi a ngeimi a si. Palh sualnak um ai kun, careltu kan ruat thiam te uh. Umharphen ah ka van thai sawhmi a si.