US Laimi Theih Hrim Hrim Ding: Thil Tihnung Tukmi Asi

Bawipa dawtnak le humhimnak thawngin a ramthumnak kan phan cang.Cucaah dinfelnak le thildik thilhman hi kan sunghnak tuk asi lo mi cung ko ahcun lungfim tein kan tuah a hau cang.Thil fate tiah kan ruah mi thawkin dinfelnak cu dirkamh in tanh hna uhsih.

2014 in USCIS nih UN family Cases ai thuat mi kong cu an rak hlat cang.Hmanhsehlaw, thil a dikthlir in an hlat i theih dih cikcek hnu kum (4) a rauh hnu 2018 longah Mipi sinah action an rak lak hnu i mipi lau hram kan i thawk kha a rak si.US cozah nihhin minung pakhat cio kan case hi kan keneh an kan dawi dih ti hi kan i fian a hau.Cucaah USA ram kan phak hnu ahcun hi a tangkei thil pa (3) hna hi dinfelnak le ningcang tein kan tawnghtham thiam a herh.

1.Tax Return Tuah Tikah Cozah Sin Register A Tuah Mi Sinah Tuah Ah A Tha Bik.

Holh thiam lo le chungkhar kong duhning in a phisin kho lo mi kan si ah siseh, thil tuaktan kho kan si ah siseh , hi Ram ah kan case hi thianghlim tein runvennak ding caah Tax Return tuah tik zong ahhin cozah ah tha tein registration a tuah mi hna sinah tuah khawh hi kan caah a tha i a him bik.

2. WIC Le Foodstamp Card Hman Zia Thiam Hna Uhsih.

WIC le SNAP in ziah mi chim lo kan umkalnak vialte kan inn in kan kalnak dawr zeitluk dah aa hlat,a innpawng ah zei dawr dah a um tibantuk tiangin kan keneh an kan zulh khawh dih.Cucaah a zuartu le a cawtu nih long time ca ruat in Phaisa or Card hman zia thiam i zuam peng hna uhsih.

3.US Citizen Ningcang Loin Sawknak.

US Citizen sawknak ding caah Permanent residents (Green-card) dirhmun in Kum (5) um a hau.US Citizen a si cang mi a thit ahcun kum (3) a hau.Hi kum chung i sualnak ngan pakhatkhat tuah ahcun kan Ram ah kirter khawh kan si.Hi kum (5) chung cu hi Ram ah um awk aa tlak mi asi maw si lo ti mi ngiathlainak caan a si ti zong phundangin kan chim khawh.Kan case kha an kan dawi lengmang ko.

Nihinni ah damlonak le mental lei zawtnak tiphunin Citizen a phi mi kan tlawm ti lo.Hibantuk thil ningcang loin US cozah hi Chinmi nih hlen kan i timh ding asi ti lo i kan hleng kho thai fawn lai lo.Kan stop cawlh a cu.Hi form a chung um cabia hna hi zoh tikah thil pakhatkhat tong sual in biahalnak tong sual te hna uhsihlaw kan sining chimsual a fawi te mi asi.Minung pakhat thlaih/mih sual ahcun a dang pawl cases dawi ding zong hi a fawi tuk mi thil asi.Hi thil hi vanchiat ahcun ni nikhat ah Deport tuahnak lam hmanh a chuahter khotu zong asi kho ko.Cucaah Citizen ningcang tein phitnak tuah khawh lo ahcun hibantuk mental zawtnak phunin tuah chawm mi nak cun Phit lo tein um i Green-Card dirhmun tein um kha kan caah a him deuh .

Pathian nih hi Ram tiang lam a kan hruai i thluachuah zong a kan pek cang.Cucaah hi ram tha kan phak hnucun dinfelnak he thiltha/dik hi lungfim tein i thim bu he kan Miphun , Community, innchungkhar kilven tti cio dingah tawnghtham le tuan khawh i zuam cio hna uhsih.

Source: Chin Community Of Indiana

Leave a Reply

Your email address will not be published. Required fields are marked *