Vawlei cung ah holh tlamtling bik mi zei holh dah asi? Zei holh ah dah cafang “word” tam bik?

Vawlei cung ah holh tlamtling bik mi zei holh dah asi? Zei holh ah dah cafang “word” tam bik?

Kan bia tlangtar mi khi bia halhnak phun in akal ko nain, alehnak belte cu afiangtuk lai lo, zei holh ah dah cafang”word” tam bik tihi leh ding ah cun ahar bak ko lai nain, tahfung belte cu a um kho taktak lai lo, mi tampi hna nih cun English ah hin cafang atam bik lo maw? Timi zong an um ko, Oxford English dictionary tuahtu zong nih mah ruahnak cu angei ve thiamthiam ko, English pawl nih hin miphun dang holh hi an mah holh ah hin an lak mi atam ngai ko an ti, mah pin ah international language arak si fawn ruang ah hin miphun dang holh hi, English holh chung ah tel mi atam tiah an ti, mahr uang ah cun cafang “word” ngah bi kasi lai tiah mi tampi nih an zumh khi asi, asinain fiannak taktak a um lo.

Kan mah Chin/Mizo holh ah hin Mizo nih cun an holh ah hin Falam holh, Hakha holh, Tidim holh, Kala/Hindi holh, Mirang holh hna hi tampi an lak tik ah, mizo holh hi cafang tambik le tlamtling bik deuh bantuk in alang ve fawn khi asi, Chin mi chung ah cun holh dang hi kan lak tuk lem lo tik ah cafang atlawm pin ah Kawl holh long hi kan ilak deuh khi asi, mi dang holh cu kan holh ah kan lak thiam rih lo khi asi fawn lai, lak zong kan tim fawn lo khi asi, Mirang hna bantuk in holh tlamtling ding ah cun kan Chin holh tampi hna hi ser khawh asi te ko lai, Chin miphun chung ah hin holh atam ngai ko, mah vialte hna cu Chin holh ah ser khawh asi, mah caah cun atu dirhmun ah cun kan Chin holh hi cafang “word” atlawm bik chung ah kan itel rih khi asi.

Holh cafang tam ning tuaktan ning law harsatnak tampi a um ko lai, Mirang “word” pakhat nih hin sullam tampi angei ko, achan cu bia fang pakhat hi Singular and Plural Nouns, Count Nouns vs. Non-Count Nouns, Possessive Nouns, Pronouns, ‘Be’ Verbs, Action Verbs,  Adjectives, Comparative and Superlative Adjectives, Adverbs,  Simple Tense, Progressive and Perfect Tense, Perfect Progressive Tense, Irregular Verbs,  Gerunds, Infinitives 1, Infinitives 2, Active Voice and Passive Voice, Indicative, Imperative, Subjunctive Mood, Auxiliary Verbs – ‘Be,’ ‘Do,’ ‘Have’, Auxiliary Verbs – ‘Will/Would,’ ‘Shall/Should’, Auxiliary Verbs – ‘Can/Could,’ ‘May/Might/Must’, Prepositions – ‘On,’ ‘At,’ ‘In’, Prepositions – ‘Of,’ ‘To,’ ‘For’, Prepositions – ‘With,’ ‘Over,’ ‘By’, Conjunctions – Coordinating and Correlative, Conjunctions – Subordinating, Conjunctive Adverbs, Articles – Indefinite and Definite, Interjections, Capitalization hna nih hin sullam tampi angeih mi asi, takchunnak ah, English ah hin SET timi hmanh nih sullam dang dang 250 hrawng an ngei tiah an chim hna, Turkish holh hi amak ngai an timi cu, cafang pakhat te hmanh hi sentence sau ngai tuah khawh ding tiang um zia angei an ti.

Vawlei cung ah holh dang dang hna nih an ngeih mi dictionary lian bikbik hna ah cafang/word an ngeih mi chung atam deuhdeuh mi hna cu:-

  1. Korean : 1,100,373.
  2. Japanese :  500,000.
  3. Italian :   260,000.
  4. English :  171,476.
  5. Russian :   150,000.
  6. Spanish :   93,000.
  7. Chinese :   85,568.

Mah alang mi dictionary ah word tam ning in kan zoh ah cun, cafang/word tambik ding ah kan ruah mi cu, English asi ko nain pali 4 nak ah alang chauh khi asi, adik bik tiah chimnak ding ah approved nak a um fawn lo tik ah theihthiam ahar pah ko, dictionary ah cafang/word tete thenter ning hi atluk lo ceu ko lai, mah caah cun dictionary ah cafang tambik hi kan pawm khawh lai maw? Result chuahter ding ah ahar ko lai, amah belte cu cafang/word tam le ngah hi cu arak tha hrimhrim timi cu afiang ngai ko, cafang atam ah cu biachim zong afawi ve cu mu!.