Vawlei cung ah minung umzat 2022 Novenber United Nations Population Division nih a tarlan ning ah trillion 8 a tling cang lai,
Vawlei cung ah minung umzat 2022 Novenber United Nations Population Division nih a tarlan ning ah trillion 8 a tling cang lai,
November 2022 United Nations Population Division nih vawlei cung ah, minung umzat Population cu, November 15 ah hin trillion 8 a tling cang lai tiin an langhter, Kum 1950 ah khan vawlei ah minung umzat hi, trillion 2.5 siin an tuak tan, Tu kum November 15-ah cun a let thum nak tam in a karh cang, Kum 1960 cho hrawng ah khan minung an karh ngai ngai, mah hnu ah cun a karh nak hi, arak tla/niamnak hram thawh asi, Kum 1962 -1965 karlak ah khan minung karhnak hi kum khat ah 2.1% a si.
kum 2020-ah cun 1% tanglei peng hi asi cang, Kum 2050- hrawng ah cun 0.5% tluk in atla/niam chinchin ding ah an tuak tan mi asi, UN proejct nih cun a tarlangter fawn, minung karhnak hi a niam chinchin ko hmanh ah hin, minung hi kum sau dam hi an tam deuh deuh ve peng cang ruang ah, UN project nih cun kum 2030-ah hin vawlei cung minung umzat ding cu, trillion 8.5 a tling lai tiah tuak tan asi.
kum 2050-ah trillion 9.7 le kum 2080-ah cun trillion 10.4-ah a karh nak hi akai cho lai tiin an tuak, UN-nih minung karh ning ding a tuak tan ning in alang mi cu, kum 2050-ah minung karhnak tambik ding cu, ram pariat hna ah hin atam lai tiin, mah ram hna cu, Democratic Republic of Congo, Egypt, Ethiopia, India, Nigeria, Pakistan, the Philippines le Tanzania-hna ah a si lai tiin, vawlei pumpi ah minung karh zat chung ah a cheu hi cu, mah ram pariat hna hi an si lai tiin tarlan asi.
Vawlei cung ah minung tambik cem si lio, China cu kum 2023 hrawng ah cun, India-nih a leh pel ko cang lai tiin tuak tan asi fawn, mah ti asi lio ah hin group dang hna he, an tuak tan ning belte cu a tluk lo deuh khi asi, US-based Institute for Health Metrics and Evaluation (IHME) nih cun, vawlei ah minung tambik can cu, kum 2064-ah a phan lai trillion 10 an tling lai lo siin an tuak ve fawn, kum 2100-ah cun trillion 8.8 hrawng ah a tla/niam lai tiin an chim.
Vawlei pum huap ah an tuak tan ning ah, kum 1990 cho ah khan minung dam sau ning hi, Everage kum 63 hrawng dam bantuk in tuaktan asi, 2019-ah kum 72.8 siin, kum 2050-ah cun Everage in minung dam zat hi, kum 77.2 hrawng dam ding ah tuak tan asi, Kum 2022-ah minung dam lio chung ah, kum 65 cunglei um zat 10% cu kum 2050-ah cun 16% ah a karh fawn lai tiin report ah tar lan asi.