Vawlei cung ah Nu sangbik cem nih a hrin/chuah hnu ah vawikhat nak caah van lawng acit nak cu thutdan 6 lak chuah her,

November 7, 2022 Vawlei cung ah Nu sangbik cem ah ruah mi, Turkey nu nih cun ahrin/chuah hnu ah, avawi khatnak ding ah caah Vanlawng a cit ve khi asi, Rumesa Galji-hi feet 7 le a cheu tluk sang asi, Vanlawng chung ah acit ve khawhnak ding ah, Turkey Airline pakhat nih ṭhutdan 6 lak chuah a si, Istanbul to San Francisco karlak ah, Suimilam 13 chung ah hin it bu in a cit mi asi, atu hmanthlak ah kan hmuh bantuk khi asi.

September thla ah khan Turkey Airlines nih cun Rumesar- icit nak ding ah hin, vanlawng thutdan paruk lakchuah nak hmun ah hi nu icitnak hi tuah asi, America kal ding in, a bik te ah tuah mi sau ngai (special stretcher) hmang in tuah khi asi, tiin Mail Online ah tarlan asi, Kum 24-asi rih mi Nungak Rumesar-hi Weaver Syndrome an timi um ruang ah, a ruh hi a ṭhang ngai ngai khi asi, vawlei ah Nungak sang bik cem ah chinchiah asi.

Amah hi asangtuk ruang ah hin vanlawng ah vawikhat te hmanh a cit bak lo tiah theih asi, “A tu hi ka dam chung ah vanlawng ka cit nak hmasa bik asi ati, A hmahnung bik belte cu asi lai lo ati fawn, atu ah vawlei hmun tampi ka kal khawh caah ka lawm ngai ngai ko,  akan bawmtu hna vialte cung ah ka lawmtuk hringhran ko, Atu hi ram leng ah ka tlawng vawikhatnak asi” tiin, Instagram-ah arak tial khi asi, Rumesa-nih hin kum 2014 ah khan vawlei cung ah mino hna chung ah sangbik dirhmun Guinness World Record a lak mi asi.

Kum 2021 ah khan official-in vawlei cung ah Nungak sangbik cem ah phuan arak si, atu hi kum 24 long asirih ko, avawikhat van lawng acit nak man hi asang bak ko fawn, Asul lam cu minung passenger 6 seat ticket man tluk hrawng he a tluk khi asi, nain Vanlawng icit nak ding ticket man hi an hawi hna nih thawh khawm in tum piak an si tiah theih asi, ropi ngai ko hih!.

Khrihfa Cabu acawk ruang ah Pastor pakhat tlaih asi China ram ah,

Nov. 7, 2022: Luoyang, Henan province, China a um, House Church Pastor nupi, Li Xiaoyan-nih cun Oct 31 ah khan thlacampi ding ah nawlnak chuahter in, a pasal Chen Lijun- cu tlaih asi kong chim in, a pasal caah thlacam piak ding ah nwalnak atuah, Chen Lijun-hi August 13 ah khan Police hna nih an hruai daih kha asi, a chan an tarlan ning ah cun, Online-in Khrihfa cabu acah/cawk ruang le Pathian an zum ruang ah an tlaih mi asi.

Chen Lijun hi an hren cawlh hna, dik lo ngai in tangka hmang in midang bum/thlen tiah case tuah piak asi, Amah bantuk thiamthiam in, an House Church Member 100 leng hna cu, duh duh in an hrem hna hnu ah pumkhawm lo ding in hroser/warning pek chih asi fawn, Luan County Bureau of Public Security hna nih cun, a nupi, Li Xiaoyan-sin ah August 27 ah khan a pasal tlaih asi kong le an hren kong theihternak a pek, Luan County Detention Center-ah hren a si kong le mi thlen hmang tiin case tuah piak asi kong theihter asi.

Li Xiaoyan nih cun a pasal caah thlacam piak ding in Khrihfa hna sin ah bawmnak hal le nawlnak tuah in, arak thanh mi asi, 1.Chen Lijun nih hin thla hnih chung hren a si cang, an kong an ceihnak ding caah, 2. An House Church member 100 hna nih tih duhdahnak an tuar lio mi caah, 3. An chungkhar ah hin a nu le pa, kum 70 leng upa an umpi a si, a pa hi pawpi cancer a si, a nu zong cancer a ngei ve lio fawn asi.

A fapa upa deuh hi college kal ding ah timtuah lio asi, a nau cu class 6 cawn lio asi, Chen Lijun nih hin thiam lo aco asi ah cun, 100,000 Yuan (USD13600, India ting 11 leng liamter khawh ding asi, Li Xiaoyan zong ngandamnak lei a tha lo ngai khi asi, an khuasak ning zong a har ngai ngai, An chungkhar hmuh chuah mi hi 20,000 yuan long khi asi, USD 270, India 20,000 leng asi, Chungkhar pa bik cem ei kawltu an tlaih piak fawn, thlacam bawm an her ngai ngai ko,