Vawlei cung ah thil mak tampi a um atu ah Thil mak anrak hmuh chuah mi hna cu,
Vawlei cung ah thil mak tampi a um atu ah Thil mak anrak hmuh chuah mi hna cu,
(1) Kum 2011 ah khan New Orleans, Louisiana (USA) ah Vincent Marcello dum/garden ah cun, ‘Swimming Pool’ ding ah vawlei an cawh tawn lio ah, ruah lopi in mithi phumnak thlanmual ava cawhnak ah hmuh asi, mah thlanmual hi kum tamtuk Upa asi cang mi, kum zabu 18nak lio mi arak sic ang khi asi, Vawlei cawh ding ah hlawhfa hna nih mithi kuang 13 hmu in achung ah hin mithi ruh hna zong a um dih ko kha asi.
(2) Kum 2005 ah khan ruhro dang ngai mi cu England thlanglei khua pakhat, York khua ah cun vawlei cawhnak ah an hmuh, mah ruhro hi Rom san lio ami asi cang khi asi, Gladiator lu tanchum mi ruhro longte asi bak ko, mah Gladiator lu hna hi an dam sautuk lo, kum notete long te an si tiin an chim fawn.
(3) Kum 2013 ah khan Paris khuapi ah ‘Apartment’ thar ngeitupa cu a umnak ding Apartment ah cunn a thial lut kha asi, Thinthawng ngai mi thil a hmu chuak khi asi, mah Apartment ah um hmasa hi hri awh nak aning tein arak um khi asi, Kum 8 chung cu aho hmanh nih ruak hi an hmu bak lo khi asi, mah mithi ruak hi Cambodia pa arak si, a riantuannak in banter asi, Leiba achamh khawh fawn lo caah atu bantuk in anunnak aliamter khi arak si.
(4) Kum 1999 ah khan Argentina archaelogist pakhat Volcano ah cun ngakchia ruak hi pathum an hmuh, mah ngakchia hna hi akiiktuknak hmun ah chiah in kaltak khi arak si, mah thil cang mi hi Inca miphun chung ah asi, ngakchia hman in raithawinak tuah can lio kha asi cang, mah raithawinak hi can pawimawh le chiatnak lak ah an him khawhnak hnga tiah tuah tawn mi arak si.
(5) Poland khua pakhat Kaldus khua ah cun archaelogist hna nih thlanmual an hmu chuak mi ah, mah hmunhma ah hin Vampire thlan siin an chim mi thlan 14 hrawng bak an hmuchuak, Hlan lio mi hna nih khan Vampire hi a um tiah an zumh hna, Vampire lak ah an him khawhnak hnga ralring te in an um peng tawn khi asi, Vampire ah an ruah mi hna cu an lu an tan piak tawn, cheukhat hna cu bawhkhup in um mi zong an um mah cu lungrit ngaingai in an delh hna tiah an ti, mah bantuk lung in an delhnak chan cu thlan chung in anrak chauh ti lo nak hnga tiah an delhi mi asi tiah an ti.
(6) Kum 1959 ah khan archaelogist pakhat nih cun thu/tawihral khawh lo ding ah tuah mi, ‘Mummified lung’ an hmuchuak khi asi, Lung in tuah mi mithi kuang ah an chiah mi hi St.Denis Biak In ah hmuh chuah arak si, Paris khua mah Biak in ah hin France Singpahrang dang dang hna cu, an chiah tawn khi asi, ruh, Sam, tlereuh, puan le Copper hlan lio ah tuah mi taisom hna a um, mah thil hna hi Copper taisom asi lai tiah mithiam hna nih an ti.