Vawlei Thlalang awng : Donald Trump san lio ah cun aho ram hmanh nih an duh ning in an cawlcang ngamh lo kha asi! Atu cu ralpi pathumnak anai deuhdeuh tertu asi,

Vawlei Thlalang awng : Donald Trump san lio ah cun aho ram hmanh nih an duh ning in an cawlcang ngamh lo kha asi! Atu cu ralpi pathumnak anai deuhdeuh tertu asi,

America ram ah khin  Presiden mi raltha le afim taktak mi nih khuakhan lairelnak anrak ngeih tawn cang ko, Sihmanhselaw President dang hna nih thil tuah ngam lo le tuah ding zong ah an ruat bal lo mi kha asi, Jerusalem khuapi Israel acozah Office pi le capital ah pawmpiak tu le China acozah thancho nak nih duhtawk ngeih lem lo in pawngkam ram hna cu duhtawk in covo lak piak in mah ram hlawknak caah ahman tawn, South China Sea cu amah ram bantuk in lak dih timnak cu, aho ram hmanh nih adik lo e tiah a chim ngam mi an um lo kha asi fawn, mah vialte hna cu Donald Trump long long nih arak phuan ngam, arak khamh ngam um chun asi.

President Donald trump arak lang taktak ah cun thil kal ning cu adang ngaingai ko khi asi, North Korea hi ralkap thawnnak in mei a alh ter lai maw tiah kan ruah lio ah, Kim Jong Un nih apa bantuk in aruah mi China Mr.Xi Jin Ping cu America ah tlawngter cawlh in zei asi zong ah, Kim-Jong un cu rak ngai thiam hramhram ding in nawlnak atuah hnu ah, keimah tu nih karak sik hmasa talai tiin America President cu nawlnak atuah kha arak si.

Russia hi keimah tiah lungthin angei mi ram asi, China, North Korea, America hna nih Russia hi anthuat ko lai hih tiah vawlei pi nih an zoh lio ah, Russia nak in China hi America ram caah cun mi hnahnawk an si timi cu America nih fawite in an thei cawlh khi asi, Aruang cu thil kal ning le sining ah vawleipi politic kal ning cu theih ceu mi anrak si tik ah, China thil timh mi cu US nih atlaih piak cawlh khi arak si, aruah ning bang in atu ah cun China hi buaipi in Business ah faktuk in anrak phih ko kha mu!

Donald Trump arak fim ning cu, China sin ah kha business kan tuahtinak ah thil fel lo mi a um tiah, China thil lak mi ah Tax/chiah tampi lak piak asi, China zong nih an duh lo ngai, sihmanhselaw Trump nih ati cang ah cun kalpi thiamthiam kha aherh, China nih cun US cu anrak ngamh memmam lo khi asi, pawngkam um ramhna cu zei rel lo in ahrocer tawn kha asi, mah lio ah cun China nih anram chung in zawtnak hrik tha lo bik chuahter ah puh kha arak si, vawlei cung minung tampi hna nunnak aliam mi kha asi.

Mah long duh tawk bak lo in India he ramri kong ah buainak faktuk in achuahter fawn caah, India ralkap 20 nih nunnak aliam khi arak si fawn, Mah lio ah America cu a um sawhsawh lo, India nan kah ah cun kathu sawhsawh lai lo nan cung ah zei thil dah aphan lai tiah ati, mah caah cun India he Military exercise an ngeihnak zong asi, South China Sea lei ah buainak atuah fawn tik ah USA nih cun Raldohnak lawng lian hna South China Sea ah cun zei maw zat an kalter than tik ah China cu daidep in a um than ko kha mu kanrak theih ceu bang in.

India Rilipi lei ah Ralkap Vanlawng hna le Lawnglian hna zong ready ter asi fawn, mah an hmunpi cu Deigo Garcia Island ah bomber thawng mi B2 spirit pathum luhter asi, China Airforce lei zong nih mah cu anrak hmuh ve bak ko khah, 1980 hrawng cold war ah khan America cu hnangamnak ding ah tiah, School kip ah USSR nih akan doh sual ah cun tiin cawnpiaknak hna ngeihter asi, Mah lio ah president Ronald Reagan nih America mipi hna cu hna ngamte in um ding ah tiah “Star War program” hna tuah piak khi arak si.

Cu long silo in Russia ram tiang bomb khawhnak ding ah, Bomber Radar Engine zong hmuh khawh lo tiang anrak tuahter khi asi, mah B2 Sprite antimi kha anrak tuahter diam cang kha asi, Nuclear bomb lian bik phurkhawhnak ding ah tuah mi asi, aman zong US$ 2 Trillion man arak si, mah bantuk bomber hi pathum arak chuahpi mi cu sikaw, Deigo Garcia Island ah hin B52 hi vawlei cung ah bomber lianbik phun cu 5 -10 tiang chiah asi.

Japan zong nih China cawlcang ning an hmuh ve ruang ah, an Defence Budget tamter in Vawlei cung ah Vanlawng phurnak Lawng Lian thawng bik le tha bik cu, an atuah lio khi asi, South Korea, Taiwan ram hna zong nih idoh ding in ready an si nak zong asi, mah ram hna hi India, S Korea, Japan Taiwan le Israel hna caah cun America zong nih hriamnam thatha hna pek khi poi ati lo, atu ah hin hriamnam thatha cu, mah ram hna nih anrak cawk I ngeih dih asi ve cang khi asi, Ram pakhat nih hriamnam tha ngeih ding hi thil fawi mi asi lo, Cun Russia nih Ukraine adohnak zong ah hin HIMARS tha arak pek than cang cu mu!

US nih Iran le Pakistan sin ah hriamnam anrak zuar cang mi cu, atu ah cun mah hna ram nih America anrak duh lo fawn tik ah America nih atheih cangka bak in Taiwan, Janpan, S. Korea, India le Israel ram hna sin ah, anrak zuar piak cawlh khi asi Pakistan cu Mi aa asi tiah ati, Kan hnu lei deuh ah khan America Lawng ralkap nih Iran Oil Tanker pakhat tlaih piak arak si, vawleipi hi chim khawh asi tilo, Israel Pilot hna nih hin Iran ram ah Bomb thlak hi an duhtuk cang ko, Russia nih cun Iran hi anrak bawm ve tawn caah atu ah cun Iran nih Russia cu Drone anrak pek ve khi asi.

Pakistan ram hi an cawlcang ning hi afuh tuk lem lo, Cricket Star hlun Imran Khan nih ram ahruai hnu ah remdaihnak a um lai tiah, an ti lio ah hoih lei deuh arak ngei fawn, An ram dirhmun achiattuk ruang ah lungrethei in Arab ram ah kutdawh in arak tlawng khi asi, aho ram hmanh nih arak chawnh duh lem lo, Saudi Arabia nih an zaangfaktuk caah cun $ 1 trillion anrak cawiter khi asi, kum 2 zong adihrih lo lio ah atu ah Saudi Arabia nih Leiba cu an hal cang rua, Imran Khan cu lungrethei in an um ko, atu cu midang nih PM an tuan cang khi asi.

Zei dang asilo, China nih India arak dohnak boruak ah LOC lei ah hmalaknak ka ngei ve tiin Ralkap le Terrorist an luhter ve khi asi cu, mah lio ah cun Saudi Arabia ram nih cun Israel, India, America lei hoih in lungput anrak ngeih caah cun, Pakistan sin ah Leiba an halnak asi tiah report ah langhter asi, China nih cun an chamh piak lai lo timi hi afiang ko, Mah cu China politic ah Pakistan cu thawngtlak bantuk in a um cang caah atu ah hin Pakistan cu lungrethei bak in a um ko cang.

America nih cun terrorist dohnak caah tiah, Education le Rail kalnak lampi tuahnak le Eidin caah tiah kum chiar in $ 200 million an bawm ton mi cu, Terrorist dohnak silo in terrorist tam deuh sernak ca tu ah anrak hmang khi asi timi cu, US nih atheih caah, mah bawmnak $ cu phih/stop piak arak si, Osama Bin Laden zong athlithup in umter asi, Obama nih action lak ngam lo mi cu Trump nih raltha ngai in action an lak piak ah cun Pakistan cu atap ngam bak lo khah! Donald Trump tluk in ram hruaitu tha le ral tha hi vawlei nih kan herh pin ah Khrihfa hna caah arak tha khun!

Cre: Moses pa