Vawleicung Hmanthlak Zuamnak Wildlife Photographer of the Year 2018 i Teinak a Hmutu Kum 10 pate Thlakmi Hmanthlak



Vawleicung Saram pawl hmanthlak zuamnak Wildlife Photographer of the Year 2018 ah India hngakchia pate Arshdeep Singh nih teinak (winner) a hmuh.  Arshdeep Singh hi kum 10 te lawng a si nain a hmanthlak pakhat te nih minthang ah a chuah ko. Vawleicung hmanthlak thiam zuamnak hi phun tampi a um. Hi Wildlife Photographer of the Year cu saram pawl hmanthlak a thiambik zuamnak timi khi a si. Hi zuamnak hi vawleicung level bak i izuam a si. Arshdeep Singh hi kum 10 tang (10-years-and-under category ) zuamnak ah teinak a hmuh hi a si. A hmanthlak tlangtaar ah Pipe i a ummi Chimbu (Pipe Owl) tiah a khen.

Hi India hngakchia pate nih aa dawh tak takmi hmanthlak a tlak ning cu hi ti hin a si. Voikhat cu an umnak India State pakhat a simi Punjab State i Kapurthala khua ah a pa he mawttaw car in an leng. Mawttaw car in a pa he an len lio ah cun Arshdeep Singh nih hin Chimbu pahnih pipe chung i an um cu a hmuh ai.

Arshdeep Singh nih a pa cu a mawngh liomi a Car cu dirter dingin a nawl. A pa nih a mawttaw car a dirter hnu ah Car thlanglang awng cheu aa ongmi nih hi aa dawh taktak mi hmanthlak (Pipe Owl)hi a thlak khawh. Hi hmanthlak nih Wildlife Photographer of the Year 2018 timi a coter.

Hmanthlak hi zoh aa dawh khawh ning hi. Thinlung a suk tuk hringhran. 

Arshdeep kum 10 hngkachia pate hi tutan lawng siloin Junior Asian Wildlife Photographer of the Year award timi zong ah laksawng a rak hmuh cang. Cun Lonely Planet UK, Lonely Planet Germany, Lonely Planet India, BBC Wildlife UK tiang nih a hmanthlak dang pawl zong hi an rak chuahpiak cang.

Source: Indian Express.



Be the first to comment

Leave a Reply

Your email address will not be published.


*