Zeitindah Mi nih an ka uar tak na theih khawh lai ?

Minung ziaza (behavior) umtuning a theitu hna nih minung ziaza a bikin nungak tlangval aa uar ka mi hna umtuning ttha te in dothlatnak an ngei. A tanglei umtuning hna hi rel law mi nih an in uar le uar lo fiang tein na theih khawh lai. Ka tialmi lakah 1 te lawng ah si lo in a tam deuh kan chimmi bantuk i an um ahcun an in uar tinak a si lai.

Na Hmaika an Dir Tikah:-

Expert Vanessa Van Edwards nih a hmuhmi cu hihi  si. Na pawng i an dir tik paoh ah an ke cu na hmai lei bak a hoih peng ahcun ruahawk a tam cang tinak a si. An uar lomi pawng ahcun an ke hi hmai lei  an hoih ter peng lo i, tha tein an dir lo.

A herh lo zong ah an in tongh peng lai.

Social and personality psychologist Dr. Jeremy Nicholson nih a timi cu mi nih an in uar tikah a phun phun in an umtuning ah a lang tawn. A herh theng lo zong ah na taksa a tongh peng ahcun ruah ding a tam cang tinak a si. An uar lomi tongh cu an zuam lem lo. Na pawng ah a um tikah a herh theng lo caan zong ah an an tongh peng ahcun zeidik a um tinak a si.

Na Capo ah an ni peng lai.

Psychologist Norman Li nih a ti ve mi cu mi nih an in uar tikah na capo saihmi ah an ni peng lai a ti. Midang capo nakin na capo cu nih a chuah lo deuh zong ah nangmah capo saihmi a si caah a ni peng lai.

Biahalnak an tuah peng lai.

Mi nih an in uar tikah na kong tampi an hal lai i, biahalnak hrim hrim a tam lai. Na chimmi cu zei pipa a si lo zong ah tha tein a ngaih lai. Biahalnak hrim hrim tampi tuah a hmang lai.

Nithla (Dates) le Thil biapimi tiah na ruah lomi tampi a Zah lai.

Na chuahni thla(DOB) tibantuk le a herh tiah na ruah theng lomi thil tampi zah aa zuam lai. Nangnih zei pi i na ruah lomi zong annih nih cun tha tein a zah dih lai.

An mit thep a hman lai lo

Bia na i ruah tikah maw, an zoh tikah a mit thep a hman lai lo. An uarmi le an duhmi pawng ah duh paoh in an um ngam lo ti a si. Na pawng a um tik le bia nan i ruah tikah ningzak bantuk i  a um i, a mit thep a hman lo ahcun ruah awk a tam ngai cang tinak a si tiah ziaza lei a cawngmi pawl nih an tial.

Source: Bustle

Leave a Reply

Your email address will not be published. Required fields are marked *