Zeitindah Pa Vialte Uar mi Nu Kan Si Khawh Lai?

 Pa thinlung lak khawh hi nu caah cun har dawh in a lang lo. Bible ca le tuanbia tampi i kan hmuh tawnmi cu nu fim nih pa thinlung fawi tein an lak tawn. Zeitindah nu fim, pa thinlung a la khomi kan si lai. A tanglei zulh awk lam tlawmpal te hi zul hna law pa vialte uarmi nu na si ko lai. Hi thil hna hi nu vialte sin i biathlithup bantuk a si. An biapi tak tak.

‘Pa vialte uarmi nu’  ti kan chim tikah a Pa vialte kan uar lai ti kha chim duhmi a si lo. Kan chim duhmi cu zeibantuk in dah nu hi a um tikah pa nih a uar bik ti kha a si. Zulh awk lam pathum te lawng a um.

1.Thenhhlimh Tein Na Um Lai.

Thenhhlimhnak kong ah na ziaza cu voikhat pi ah thlen cu naa harh pah kho men. Bianabia ah Nichiar te aa khawlhmi na si lo cun nichiar te i khawh cu naa harh pah lai. Asinain thenhhlimh te i um hi Pa nih an uar bik pakhat a si caah tuah khawh na zuam hrim hrim lai.

Na taksa cu ttha tein na zohkhen lai. Pa vialte nih hin a thianghlimmi nu, a taksa tha tein aa zohkhenhmi nu hi an uar hna. Nu si tung i, i fihhnawmh tuk hi pa fim deuh nih cun an uar hna lo. A tanglei hna hi zulh na zuam lai:-

Ni Chiar i khawlh

Sam tha tein hriat

Na Ha thiang te le rang te i chiah

Angki thiang te he i thuam

Na kut tin le na ke tin thiang te le dawh tein na chiah fawn lai.

2.Na Cawlcangh le Na mit hmai na par ter lai.

Muidawh lawng hi a rak za hrim lo. Na cawlcangh le na mit ttheh ah pa thinlung a la khomi nu si na zuam lai. Na mit ttheh (eye contact) hi pa thinlung laknak ah a biapi tuk. Pa cu na nih lai, naa lawmhnak cu na mit ah fiang te le dawh tein na langhter lai.

Pa he nan i ton tik le nan i hmuh tikah seconds tlawmpal tal na mit in dawh tein na zoh hmasa tawn lai i, na nih ta hmasa lai. Hi thil hi na ngamh lo zong ah na duhmi pa lakah cun tuah khawh na zuam lai. Pa thinlung chung ahcun na mit hmai aa dawh tukmi kha a cuang peng tawn ti kha philh hlah. Pa hmai na um tik zong ah tha tein na cawlcang lai. Zoh dawh lo tuk le i thlahdah tuk in na um lai lo. Na hnifenh, na angki hruk ning na ralring peng lai.

3.Bia Ngaitu Tha Si na zuam lai. (Be a good listener)

Pa nih bia a chim duhmi kha tha tein  ngaihpiak khawh na zuam lai. Bia a chim lio ah bia chim holh rel na sum lai. Bia a chim cuahmah lio na holh peng lai lo. Na holh caan tha tein zoh na thiam lai i, na holh caan a phanh in na holh ve tthan ding kha a si ko. Bia ngaitu ttha kan si lo i, kan biachimmi lawng midang ngaihter kan hman ahcun mi thinlung a lak khomi nu kan si kho lai lo. Pa nih hin hi bantuk tete hi an zoh ngaimi a si. Pa kha a ruahnak tampi chimter khawh na zuam tawn lai. Pa nih a ruahnak kha chimphuan ve kha a duh tawn.

Biadonghnak

Muidawh nu paoh nih pa vialte thinlung a la kho dih lo. Na ziaza, na umtuning le na hmur ka, na mit ttheh ah pa thinlung na lak khawh le khawh lo tampi a hngat. Cucaah a cunglei kan tialmi hna hi zulh khawh peng na zuam lai i Pa thinlung cu fawi tein na lak khawh lai.

 

Leave a Reply

Your email address will not be published. Required fields are marked *